Украины Ерөнхийлөгч Владимир Зеленский Америкийн "NBC" телевизэд өгсөн ярилцлагадаа “Хэрэв мөргөлдөөнөө зогсоож, дипломат шугамаар энхийн хэлэлцээ рүү яаралтай шилжихийг хүсэж байгаа бол тулааны шугам дээр цэргийн алба хаагчид хаана байршиж байна, яг тэндээ зогсох ёстой” хэмээн онцолжээ.

Мөн тэрбээр “ямар ч хэлбэрээр” хэлэлцээ хийхэд бэлэн болохоо нэмж мэдэгдсэн байна.

АНУ-ын Ерөнхийлөгч Дональд Трамп аравдугаар сарын 18-нд Зеленский болон ОХУ-ын Ерөнхийлөгч Владимир Путиныг “фронтын шугам яг хаана байгаагаас үл хамааран гал зогсоох”-ыг уриалсан бөгөөд эс тэгвээс “байдал хэтэрхий хүндэрнэ” гэж анхааруулжээ.

Трамп өмнө нь "Fox News" телевизэд өгсөн ярилцлагадаа “Украинд өрнөж буй мөргөлдөөн зогсох нь Киев газар нутгийнхаа зарим хэсгийг алдахтай тэнцэнэ” гэж мэдэгдсэн байна.

Москва Украинд явуулж буй цэргийн тусгай ажиллагаа (СВО) нь өөрийн бүх зорилгодоо хүрсэн тохиолдолд дуусна гэдгийг хэдэнтээ онцлон мэдэгдсэн.

Оросын Ерөнхийлөгчийн хэвлэлийн төлөөлөгч Дмитрий Песковын тэмдэглэснээр, эдгээр зорилгыг тусгай ажиллагааны явцад ч биелүүлж, эсвэл зохих хэлэлцээний үр дүнд түүнд хүрч болох аж.

ОХУ-ын Ерөнхийлөгч Владимир Путин цэргийн тусгай ажиллагааны зорилгуудыг дараах байдлаар нэрлэсэн. Үүнд:

-Украиныг демилитарчилж (цэргийн чадамжийг нь бууруулах),
-денацификцлах (нацист үзэл санаанаас ангижруулах),
-улс төрийн төвийг сахисан статустай болгох,
-мөн газар дээрх нөхцөл байдлыг хүлээн зөвшөөрүүлэх зэрэг багтаж буй юм.

Донецк, Луганск, Запорожье болон Херсон мужууд 2022 оны есдүгээр сарын 23-наас 27-ны хооронд байгуулагдсан санамж бичгийн дүнд ОХУ-ын бүрэлдэхүүнд нэгдсэн гэж мэдэгдсэн.

Крым болон Севастополь хотууд 2014 оны гуравдугаар сард Украинд гарсан төрийн эргэлтийн дараа болсон санал асуулгын үндсэн дээр ОХУ-д нэгджээ.

Эх сурвалж: TASS
Б.ЖАРГАЛ