УИХ-ын дарга Н.Учрал багаа бүрдүүлж эхлээд байна. Тэрээр УИХ-ын даргын ахлах зөвлөх бөгөөд ажлын албаны даргаар УИХ-ын гишүүн, Тэргүүн Шадар Сайд асан Ч.Хүрэлбаатарыг томилсон байна.

УИХ-ын дарга Н.Учралын хувьд Төгрөг нуурын ордыг шалгах,төрд буцааж авах ажлыг анх эхлүүлж байсан бол Ч.Хүрэлбаатарын хувьд Монгол Улсын Ерөнхийлөгч асан, УИХ-ын гишүүн "Женко" Х.Баттулгатай хамгийн хүчтэй зөрчилддөг байсан улс төрч.

Х.Баттулга Ерөнхийлөгч байхдаа Ч.Хүрэлбаатарыг Сангийн Сайдаар томилсон шийдвэрт хүртэл хориг тавьж байв. Иймээс ч Ч.Хүрэлбаатарыг УИХ-ын даргын ахлах зөвлөхөөр томилсон шийдвэрийн ард улс төрийн тодорхой учир шалтгаан байж мэдэх юм.

С.Сарнай