Тулгар төрийн 2235 жил, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойд зориулсан Үндэсний их баяр наадмын хөтөлбөр бага зэрэг өөрчлөлт оров.

Тухайлбал, өмнөх хуваариар бөхийн барилдааны 1, 2-ын даваа өнөөдөр байсныг өөрчилсөн. Ингэхдээ өнөөдөр зөвхөн нэгийг давааг явуулахаар болжээ. Харин хоёр, гурвын даваа маргааш нээлтийн дараа болно.

“Дэлхийн адууны өдөр”-тэй холбогдуулан хурдан морины уралдааны хуваарийг өөрчилсөн. Өмнөх жилүүдэд нэг өдөрт хоёр насны ангиллаар хурдан морины уралдааныг зохион байгуулдаг байсан бол энэ удаа гурав болгож нэмсэн. Баяр наадмын хуваарийг хүргэе.