Өнгөрсөн долоо хоногийн пүрэв гаригт Өмнөговь аймгийн Ханбогд сумын “Оюутолгой” компанид ажиллахаар ирсэн гадаадын иргэнээс улаанбурхан өвчний шинж тэмдэг илэрснийг Эрүүл мэндийн яамнаас мэдээлсэн. Тус өвчтөнг одоогоор тусгаарлаж, бусад ажилчдад дархлаажуулалтын вакцин хийсэн байгаа. Харин улсын хэмжээнд одоогоор улаанбурхан өвчнөөр өвчилсөн тохиолдол дахин бүртгэгдээгүй байна.

Эрүүл мэндийн сайдын 08 тоот албан даалгаврын хүрээнд улаан бурхан өвчний эсрэг бэлэн байдлыг ханган, эмч мэргэжилтнүүдийг давтан сургалтад хамруулж, 8-17 насны хүүхдүүдийг дархлаажуулах зорилгоор 510 мянган хүн тун вакциныг холбогдох байгууллагуудад захиалжээ.