Энэ сарын 25-27-ны өдрүүдэд Бүгд Найрамдах Солонгос Улсын Ерөнхий сайд Ли Наг Ён манай улсад Улсад албан ёсны айлчлал хийнэ. Даваа гаригт эхлэх түүний албан ёсны айлчлалд манай тал ихээхэн ач холбогдол өгөн бэлтгэл хангаж байна.

БНСУ-ын Засгийн газрын тэргүүн манай улсад дөрвөн жилийн дараа айлчилж байгаа нь энэ юм.

Айлчлалын үеэр БНСУ-ын Ерөнхий сайд Ли Наг Ён Монгол Улсын Ерөнхий сайд У.Хүрэлсүхтэй албан ёсны хэлэлцээ хийж, Монгол Улсын Ерөнхийлөгч Х.Баттулга, Улсын Их Хурлын дарга Г.Занданшатар нарт тус, тус бараалхана.

Ерөнхий сайд У.Хүрэлсүх 2018 онд тус улсад айлчилсан. Тиймээс БНСУ-ын Ерөнхий сайд Ла Наг Ён хариу айлчлал хийж байгаа нь энэ юм байна.

Талууд айлчлалын үеэр Монгол Улс, БНСУ-ын харилцааг улс төр, батлан хамгаалах, худалдаа, хөрөнгө оруулалт, эдийн засаг, зам тээвэр, эрчим хүч, байгаль орчин, соёл, боловсрол зэрэг өргөн хүрээтэй салбарт гүнзгийрүүлэн хөгжүүлэх, иргэдийн солилцоог дэмжих, олон улс, бүс нутгийн харилцан сонирхсон асуудлаар санал солилцоно.

БНСУ-ААС АВАХ 500 САЯ ДОЛЛАРЫН БУЦАЛТГҮЙ ТУСЛАМЖААР ХИЙХ ЗАРИМ АЖЛЫН БЭЛТГЭЛ ЯВЦТАЙ ТАНИЛЦАНА

Улаанбаатар хотын агаарын бохирдлыг бууруулах чиглэлд БНСУ-аас 500 сая долларын хөнгөлөлттэй зээл олгохоор болсон. Уг асуудлыг хэрэгжүүлэхтэй холбоотой зарим ажилтай танилцах ажил уг айлчлалын үеэр хийгдэж юм байна. Уг 500 сая доллараар утааг бууруулах ажлыг хийхийн зэрэгцээ 15000-17000 айлын “Солонго” хорооллыг бүтээн байгуулахад зарцуулна. Тиймээс Солонгосын тал энэ удаа уг ажилтай танилцах юм байна. Уг хорооллыг барьж иргэдэд түрээслүүлэх улмаар өөрсдийнх нь өмчид шилжүүлэх зохион байгуулалтыг хийнэ гэж байгаа юм.

Мөн айлчлалын үеэр талууд хоёр улсын хооронд худалдаа, хөрөнгө оруулалтыг цаашид нэмэгдүүлэхэд түлхэц болох Эдийн засгийн түншлэлийн (ЕPA) хэлэлцээр байгуулах талаар болон Монгол иргэд БНСУ-д тав тухтай ажиллаж, амьдрах асуудалд анхаарч, монгол залуучууд тус улсад суралцах боломжийг нэмэгдүүлэхэд анхаарах чиглэлд санал солилцоно гэх мэдээлэл байна.

Ерөнхий сайд У.Хүрэлсүхийн 2018 оны БНСУ-д хийсэн айлчлалын үеэр талууд хоёр орны иргэд алсдаа визгүй зорчих зорилтын хүрээнд эхний ээлжинд олон удаагийн виз олголтыг өргөжүүлэхээр болсон. Уг ажлын хэрэгжилт хэрхэн хангаж буй талаар уг айлчлалын үеэр ярихаар байна.

Мөн БНСУ-д ажиллах манай ажилчдын квотыг нэмэгдүүлэх, буцалтгүй тусламжийн хүрээнд ажлын байр нэмэгдүүлэх зорилгоор ажил олгогч, ажил хайгчдын мэдээллийн санг бий болгох 2.8 сая ам.долларын хөрөнгө оруулалт бүхий цахим системийн төслийг Монгол Улсад хэрэгжүүлэх ажлын үргэлжлэл хэрхэн явагдаж буйг хөндөж магадгүй байна.