ОХУ-ын Эрхүү хотноо “Халхын гол-80” үзэсгэлэн нээджээ. Энэ үзэсгэлэн нь Зөвлөлт болон Монголын цэргүүд Японы эзлэн түрэмгийлэгчдийг ялсан түүхэн ой, түүнчлэн 2004-2014 оны хооронд зохион байгуулагдсан олон улсын залуучуудын экспедицийн түүхд зориулагдсан хэмээн зохион байгуулагчид онцолсон байна.

1939 оны хавраас намрын хооронд болсон Халхын голын байлдаан нь олон улсын улс төрд ихээхэн ач холбогдолтой байсан. Албан ёсны мэдээллээр энэ байлдааны үеэр 10000 Зөвлөлтийн цэрэг амиа алдаж, ор сураггүй болсон бол Монголын талаас 895 цэрэг амь үрэгджээ.

“Өнөөдөр бид Монгол улсын эрх чөлөө тусгаар тогтнолын төлөө амиа өргөсөн дайчдын дусргалыг мөнхжүүлэхэд хувь нэрээ оруулж байна. Тухайн үеийн үйл явдлаас хадгалагдан үлдсэн түүхэн материал тун цөөн. Монгол улс дахь маршал Жуковын дурсгалын музей, Эрхүүгийн “Ветеран” цэргийн ажиллагаанд оролцогчдыг дэмжих олон нийтийн сан, “Ялалтын төлөөх бахархлын дөл” олон улсын залуусын 5 дугаар экспедицийн сайн дурынхантай хамт түүхэн баримт дургалыг сэргээх өргөн цар хүрээтэй ажлуудыг хийсэн. Энэхүү уйгагүй хөдөлмөрийн дүнд энэ үзэсгэлэнгээс тэртээх хүнд өдрүүдийн уур амьсгалыг мэдэрч болохоор гэрэл зураг, үзмэрүүд тавигдсан юм. Энэ үзэсгэлэн Орос-Монголын харилцааг бэхжүүлэхэд хувь нэмрээ оруулна гэдэгт итгэлтэй байна” хэмээн ОХУ-ын Төрийн думын гишүүн Сергей Тен мэдэгджээ.

Б.АНАНД