Төв аймагт шинэ автобуудал ашиглалтад орлоо

Aдмин / Орон нутаг

Төвийн бүсийн тулгуур төвд автотээврийн шинэ бүтээн байгуулалт “Төв авто буудал” сүндэрлэж, өнөөдөр нээлтийн үйл ажиллагаагаа зохион байгууллаа. Нээлтийн арга хэмжээнд УИХ-ын гишүүн М.Энхболд, Төв аймгийн удирдлагууд, ЗТХЯ болон Автотээврийн үндэсний төвийн удирдлагуудаас гадна иргэд, тээвэрчид оролцлоо.

УИХ-ын гишүүн М.Энхболд нээлтийн арга хэмжээний үеэр автотээврийн салбарт бүтээн байгуулалтын ажлууд сүүлийн жилүүдэд эрчимтэй хийгдэж, иргэд, тээвэрчдийн тав тухтай зорчих боломжийг ханган, улс орны хөгжилд томоохон хувь нэмэр оруулж буйг онцлоод автотээврийн салбарынхны цаашдын ажилд амжилт хүслээ.

“Автотээврийн үндэсний төв” ТӨҮГ-аас сүүлийн гурван жилийн хугацаанд стандартын шаардлага хангасан автобуудал, техникийн хяналтын үзлэгийн төвийн барилга байгууламжийг орон нутагт үе шаттайгаар барьж, байгуулан үйлчлүүлэгчдийн тав тух, аюулгүй байдлыг бүрэн ханган, нийт 6 аймагт автотээврийн төвийн барилга байгууламжийг ашиглалтад оруулж буйгаа Автотээврийн үндэсний төв ТӨҮГ-ын захирал Б.Гүрсоронзон онцлон хэллээ.

image

Төв аймагт ашиглалтад орж буй энэхүү барилга байгууламж нь өдөрт 700-1000 иргэнд үйлчлэх хүчин чадалтай бөгөөд эмчийн өрөө, эмнэлэгийн анхан шатны туслаж үзүүлэх өрөө, ая тухтай хүлээлгийн өрөө, эх хүүхдийн амрах өрөө, ачаа тээш хадгалах өрөө гэх мэт нийт 337м2 бүхий 3-р зэрэглэлийн стандартын дагуу баригдсан жишиг автовокзал бөгөөд 1,5 тэрбум төгрөгийн хөрөнгө оруулалтаар баригджээ.

“Улаанбаатар-Төв аймгийн Зуунмод” чиглэлд энэ оны эхний наймдугаар сарын байдлаар нийт 117,808 зорчигч үйлчлүүлсэн бөгөөд энэхүү автобуудал ашиглалтад орсноор зорчигч урсгалын тоо жилээс жилд нэмэгдэнэ гэдгийг албаныхан хэлж байв. Мөн стандартын дагуу баригдсан гадна талбай нь 45-50 тээврийн хэрэгслийн зогсоолтой тул аймаг доторх таски болон нийтийн тээврийн үйлчилгээг иргэд, зорчигчид тав тухтай,түргэн шуурхай хүртэх нөхцөл боломж ийнхүү бүрдэж байна гэж Автотээврийн үндэсний төвөөс мэдээллээ.


Сэтгэгдэл

Дөнгөж одоо л оруулж байдаг.Арай ч дээ.яЮу хийдэг сүнснүүд энэ төрд ажилладаг юм бэ [139.5.216.37] 2019-10-15 22:30:15

Зочин

Зочин [202.126.89.249] 2019-10-15 21:08:31

Манай э дарга ашгүйдээ энх орондоо цорын ганц удаа а буудал хийж бна даа


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.