Өнгөрөгч 2018 оноос эхэлсэн Жижиг, дунд үйлдвэрлэлийг хөгжүүлэх сангаас эрх мэдэл, албан тушаалаа ашиглаж, их хэмжээний зээл авсан хэрэгт Алигатай тэмцэх газраас нэр бүхий 49 гишүүнд хэрэг бүртгэл нээж, мөрдөн шалгах ажиллагаа явуулж байгаа билээ. Өнгөрсөн есдүгээр сард Хүнс, хөдөө аж ахуйн сайд асан УИХ-ын гишүүн Б.Батзориг нарын зургаан хүнд холбогдох хэргийг шалгаж дууссан. УИХ-ын гишүүн Б.Батзориг нарын хэргийн урьдчилсан хэлэлцүүлэг Баянзүрх дүүргийн Эрүүгийн хэргийн анхан шатны шүүхэд эхэллээ. Одоогийн байдлаар шүүх хурлын урьдчилсан хэлэлцүүлэгт сайд асан Б.Батзориг өмгөөлөгчийн хамтаар ирээд байна.

Нийслэлийн прокуророос, УИХ-ын гишүүн Б.Батзориг болон Д.Энхбилэг, С.Төгсбилэг, Б.Мөнхтулга, Э.Чагнаасүрэн, Ч.Хашчулуун, Б.Одхүү нарт Монгол Улсын Эрүүгийн хуулийн 22.1.2, 22.1.3, 22.4.1, 22.5.1-д зааснаар яллах дүгнэлт үйлдэж, Баянзүрх дүүргийн эрүүгийн хэргийн анхан шатны шүүхэд ирүүлсэн байгаа.