Эдийн засгийн ухааны доктор Р.Даваадорж "Монгол Улсын Авлигын төсөөллийн индекс 2024 онд 33 оноогоор үнэлэгдсэнийг “Transparency International Mongolia” танилцуулсан нь сүүлийн 3 дахь жилдээ 33 оноотой авлигын эсрэг арга хэмжээ огт сайжрахгүй байгааг харуулж байна.

Улс орнуудын дундаж оноо өөрчлөгдсөнөөс шалтгаалж өмнөх жилээс долоон байраар урагшилж, 180 улсаас 114 дүгээрт бичигдсэн. Гэвч нийт найман эх сурвалжаас тав нь үнэлгээгээ бууруулж, гурав нь дундаж оноогоо ахиулжээ.

Ардчилал тэр дундаа сонгуулийн ардчиллын үзүүлэлт 2023 оноос дөрвөн оноогоор буурсан нь анхаарал татсан байна.

Мөн бизнесийн орчин болон засаглалын үнэлгээ өмнөх оноос өсөөгүй хэвээр байгааг “Transparency International Mongolia” онцолсоор байхад хэвлэл мэдээллээр үр дүн гарсан мэт худал мэдээлэл тарааж байна" гэжээ.