"Монгол улс түүхэндээ анх удаа консервны лааз үйлдвэрлэж эхэллээ. Хүнсний бүтээгдэхүүнийг удаан хугацаагаар хадгалах энэхүү савны үйлдвэрлэлийг "Монгол лааз үйлдвэр" компани эрхэлж байна” хэмээн Оросын “КомпоМир” агентлаг мэдээлсэн байна. Энэхүү компани нь Монгол Улсын хамгийн том хотуудын нэг Дарханд байрладаг, үйлдвэрлэлийн хүчин чадлын хувьд жилд 0.2-5 мянган лааз үйлдвэрлэх юм байна.

Монгол улсын хүнсний үйлдвэрлэгчид жилд гадаадаас консервны лааз худалдан авахад бараг 6 сая доллар зарцуулж байсан мэдээлэл бий. “Монгол лааз үйлдвэр” байгуулагдсанаар тус улс гадаадын үйлдвэрлэгчдээс нимгэн төмөр лааз худалдан авах шаардлагагүй болжээ. Лааз нь маш бат бөх байдгаараа онцлогтой бөгөөд бүтээгдэхүүнийг нарны гэрэл, ус, төрөл бүрийн механик гэмтлээс хамгаалдаг.

Э.ЭНХ-ЭРДЭНЭ