Нийгмийн халамжийн сангаас 18 хүртэлх насны хүүхдэд сар бүр 20 мянган төгрөгийн мөнгөн тэтгэмж олгодог. Энэ оны хувьд хүүхдийн нэгдүгээр сарын мөнгө хараахан шилжиж ороогүй байна.Учир нь Сангийн яамнаас санхүүжилт ороогүй учраас хүүхдийн мөнгө шилжих боломжгүй талаар албаны хүмүүс хэлсэн юм. Сар бүрийн 15-ны өдөр хүүхдийн мөнгө иргэдийн дансанд шилжин ордог учир иргэдийн зүгээс энэ асуудлаар тодруулж өгөхийг хүссэн юм. Энэ долоо хоногтоо багтаан хүүхдийн мөнгийг шилжүүлэх эсэхэд албаны хүмүүс тайлбар өгсөнгүй.

Т.БАТСҮРЭН