Олон Улсын эрүүгийн шүүхийн Ромын дүрмийн “Түрэмгийллийн гэмт хэргийн тухай болон дайны гэмт хэргийн тухай 8 дугаар зүйлийн нэмэлт, өөрчлөлт”-ийг соёрхон батлах тухай хуулийн төслийг хэлэлцлээ.

УИХ-ын гишүүн, Гадаад харилцааны сайд Д.Цогтбаатар: “Монгол Улс тусгаар тогтносон улс шүү дээ. Гэрээ байгуулаад л тэр гэрээнд бид “давхиж” ороод байх ойлголт байхгүй. Гэхдээ олон улсын хамтын нийгэмлэгийн гишүүн орны хувьд олон улсын гэрээ, конвенциуд ялангуяа бидний хамтын ажиллагаанд хэрэгтэй, тус дэм болохуйц гэрээ, конвенцид нэгдэнэ. Зөндөө олон гэрээ конвенцид бид нэгдээгүй байгаа. Олон улсын эрүүгийн шүүхийн асуудал бол өөр. Энэ бол гэрээтэй гэрээгүй олон улсын дүрэм, нормоор явна”