Монгол Улсын Их Хурлын найм дахь удаагийн сонгуулийн санал хураалт улс орон даяар үргэлжилж байна. Монгол Улсын Ерөнхийлөгч Х.Баттулга 17.40 цагт буюу тахиа цагт Баянзүрх дүүргийн 23-р тойргийн 23-8 дугаар хэсгийн байранд ирж саналаа өглөө.

Тэрбээр саналаа өгсөнийхөө дараа олон нийтэд хандаж мэдээлэл хийлээ. Тэрээр, “УИХ-ыг бага ард түмэн гэж хэлдэг. Тиймээс 76 гишүүнээ илүү судалж, сонголтоо хийгээрэй гэж Та бүхнээсээ хүсье. 17:00 цагийн байдлаар улсын хэмжээнд сонгуулийн ирц 40 гаруй хувьтай, нийслэл хот арай илүү идэвхтэй 50 гаруй хувьтай байгааг надад мэдээлсэн. 22:00 цагт санал хураалт хаагдана. Залуустаа хандаж, "Та нарын санал улс орны хөгжилд их чухал шүү гэдгийг хэлмээр байна" гэлээ.