Таамаг: Дэлхий дахинд коронавирусээр халдварласан хүний тоо ирэх долоо хоногт 10 сая давна
Дэлхий дахинд коронавирусээр халдварласан хүний тоо ирэх долоо хоногт 10 сая давна гэж Дэлхийн эрүүл мэндийн байгууллага таамаглаж байна. Энэ тухай ДЭМБ-ын тэргүүн Тедрос Аданом Гебрейесус мэдэгджээ.
Халдвар авсан хүний тоо хэдийнээ 9.1 сая давж, халдварын улмаас 470 мянга хүн нас баржээ.
“Цар тахлын дэгдэлтийн эхний сард 10 мянга хүрэхгүй тохиолдол бүртгэгдэж байсан бол сүүлийн сард 4 сая гаруй тохиолдол бүртгэгджээ. Халдвар авсан хүний тоо ирэх сараас 10 саяын босгыг давах нь халдварт өвчинтэй тэмцэхийн тулд байгаа арга хэрэгслээ ашиглан боломжтой бүхнийг даруй хийх шаардлагатайг харуулж байна. Хамгийн үр дүнтэй аргуудын нэг нь өвчин хүнд хэлбэрээр илэрч буй өвчтөнүүдийг хүчилтөрөгчөөр хангах явдал юм” хэмээн тэрбээр хэлжээ.
Тедрос Аданом Гебрейесусын тооцоолж байгаагаар, халдвар авсан хүний тоо долоо хоног тутамд 1 саяаар нэмэгдвэл өдөрт 620 мянга орчим шоо метр хүчилтөрөгч буюу ойролцоогоор 88 мянган баллон хүчилтөрөгч шаардлагатай аж.
“Олон орон хүчилтөрөгчийн аппарат олж авахад хүндрэлтэй байна. Үүний зэрэгцээ тус барааны зах зээлийн 80 хувийг хэдхэн цөөхөн компани эзэмшдэг. Гэтэл эрэлт нь нийлүүлэлтээсээ давж байна. Хүчилтөрөгчийн аппарат хамгийн их хэрэгцээтэй байгаа орнуудад туслахын тулд бид түншүүдтэйгээ хамтран ийм аппарат үйлдвэрлэдэг газруудтай ажиллаж байгаа. Ойрын долоо хоногуудад ДЭМБ 14 мянган хүчилтөрөгчийн аппаратыг 120 улс руу илгээнэ. Ирэх 6 сарын хугацаанд 100 сая ам.доллар бүхий дахиад 170 мянга аппарат шаардагдана” гэж ДЭМБ-ын тэргүүн ярьжээ.
Өнөөдөр болох үйл явдал: Австрали-Монголын бизнес форум болно
Монгол-Австрийн бизнес форумын талаар мэдээллээ
Ц.Элбэгдоржийг яллагдагчаар татах санал хүргүүллээ
Монголын баячууд улстөрчдөд дарлуулж байхдаа таарсан увайгүй л дээ
О.Номинчимэг: "Хангай" зочид буудлын барилгыг нураах, дахин төлөвлөх цаг болсон
Б.Энхбаяр: Нэг хүн 500 саяын захиалга өгч улс төрчийг "social bully" хийсэн. Үнэ өртөг нь нэмэгдсэн байна
С.Зориг амиа алдахын өмнөхөн түүнтэй ресторанд уулзсан хүмүүс ам нээгээд эхэллээ
И.Мөнхжаргал: Эрх баригчид зөвхөн ялахын төлөө Үндэсний эв нэгдлийг уландаа гишгэж болохгүй
“АРДЧИЛАЛ” ЗАРИМ ХҮНИЙ ХУВИЙН ӨМЧ БИШ. НИЙТ АРД ТҮМНИЙ ҮНЭТ ЗҮЙЛ
НҮБ-ын найм дахь Ерөнхий нарийн бичгийн дарга Бан Ги Мүн Монголд ирлээ