Улаанбаатар хотын нийтийн тээвэрт ашиглах дүүжин тээврийн дэд бүтэц, барилган угсралын ажлыг эхлүүлэх болсон талаар Францын “Пома” группээс мэдээлэл хийлээ.

Улаанбаатарын хамгийн том хоёр өргөн чөлөөг шууд холбосон дүүжин тээврийн нийт урт 4250 м, нэг чиглэлд цагт 650 хүн тээвэрлэх хүчин чадалтай ба 28 кабины буудалтай байх аж. Мөн хөгжлийн бэрхшээлтэй хүмүүс 100 хувь ашиглаж болох юм.

Бүхээг нь цаг агаарын бүх нөхцөлд ажиллах зориулалттай бөгөөд нэг бүхээгт 10 хүн зорчих боломжтой. 2025 оны арванхоёрдугаар сард нээлтээ хийх дүүжин тээвэр нэг секундэд зургаан метр зай туулна. Нийт 19 цамхагтай, нэг талдаа бүрэн хүчин чадлаар ажиллабал 2300 зорчигч тээвэрлэх юм байна. Дүүжин тээвэр барих замд Туул гол, төмөр зам, аж үйлдвэрийн томоохон үйлдвэрүүд байгаа хэдий ч эдгээр саад бэрхшээлийг агаарт хамгийн бат бөх кабель тавьж, дэлхийн стандартаар зорчигчийг тээвэрлэн зорьсон газарт нь хүргэхийг онцоллоо.