Өнөөдөр 13:00 цагийн орчимд Сүхбаатар дүүргийн нутаг дэвсгэр “Баянгол” зочид буудлын эсрэг талд байрлах баригдаж буй барилгаас замын хөдөлгөөнд оролцож байсан автомашин дээр блок унажээ. Баригдаж буй барилгаас машин дээрээс чулуу унаж сууж явсан нэг зорчигч гэмтсэн гэсэн мэдээлэл цагдаагийн байгууллагад бүртгэгджээ. Машиныг барьж явсан жолоочийн хөл гэмтсэн тул эмнэлгийн тусламж үзүүлэхээр ГССҮТ-рүү хүргэжээ. Харин машины урд хэсэг эвдэрч, цонх хагарсан аж.

Яг одоо хэргийн газарт цагдаа, онцгой байдал болон мэргэжлийн хяналтын алба хаагчид хэргийн газарт ажиллаж үзлэг шалгалт явуулж байна.

Уг барилга нь “Глобал хурд” компанийн захиалгаар оффис үйлчилгээний зориулалтын байр бөгөөд тус барилгын ажил үргэлжилсээр байна.

Болсон явдлын талаар машины арын суудалд зорчиж явсан иргэн У "Хүүхдийн ордоны чанх хойно баригдах өндөөр барилга дээрээс томоо гэгч нь чулуу асар хүчтэйгээр унаж ирэх нь тэр. Бид 3-лаа явсан. Урд талдаа хоёр хос, ард нь би. Тэр том чулуу бид гурвын тэг голд нь тэсрэх бөмбөг шиг л ороод ирсэн. Урд шилээр орж ирээд, машины салон болон урд хайрцаганд байсан юм эвдэрсэн. Тэсрэх бөмбөг шиг. Ямар хүчтэй орж ирсэн нь ойлгомжтой байх. Үнэндээ одоо ч шокноосоо гарч чадаагүй л байна. Жаахан л урагшилсан бол миний дээр эсвэл урд байсан хоёр хүний аль нэгний дээрээс унах байлаа" гэсэн утга бүхий постыг өөрийн хуудсандаа нийтэлжээ.