Аргын тооллын 6 сарын 22, Санчир гараг. Билгийн тооллын 20, Яруу эгшигт одтой, цагаан бар өдөр. Өдрийн наран 4 цаг 53 минутад мандан, 20 цаг 55 минутад жаргана. Тухайн өдөр морь, нохой жилтэй хүнд аливаа үйлийг хийхэд эерэг сайн ба гахай, хулгана жилтэй хүнд сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, амилуулах, өглөгийн түлэг хийх, хишиг дуудуулах, хот балгадын үйл, цэрэг, цагдаагийн үйл, тангарагаа буцаахад сайн. Золиг гаргах, номын үйл, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Зуны туйл, Халууны ес эхлэх улирал 0 цаг 21 минутад эхэлнэ. Үс шинээр үргээлгэх буюу засуулахад тохиромжгүй.