Олон улсын физикийн 50-р олимпиадаас монголын сурагчид хүрэл медаль хүртжээ

Б.БУРМАА / Боловсрол

Израйль Улсын Тель-Авив хотноо болсон Олон улсын Физикийн 50 дахь олимпиад(IPhO-2019)-д энэ жил 78 орны 364 хүүхэд, 150 гаруй дасгалжуулагч багш оролцлоо. Тухайн жилд Монгол Улсад болсон физикийн олимпиадуудын дүнг нэгтгэн эхний таван сурагчийг шалгаруулж авч явснаас хоёр нь медальтай, нэг нь тусгай байрын шагналтай эх орондоо ирээд байна.

Тодруулбал: "Сант" сургуулийн 12 дугаар ангийн сурагч Д.Итгэл, Монгол-Оросын хамтарсан Гуравдугаар сургуулийн сурагч Д.Хонгор нар хүрэл медаль, нийслэлийн Нэгдүгээр дунд сургуулийн 11 дүгээр ангийн сурагч Б.Цолмон тусгай байрын шагнал тус тус хүртэж, "Сант" сургуулийн 12 дугаар ангийн сурагч С.Бат-Оргил, нийслэлийн 11 дүгээр сургуулийн 12 дугаар ангийн сурагч С.Сайханбилэг нар амжилтаа ахиулан ирсэн юм.

Улсын Физикийн олимпиадын хорооны дарга М.Ганбат “Олимпиадын бодлогын тавил, үнэлгээнд өнгөрсөн жилээс их өөрчлөлт орсон байна. Бидний ерөнхий боловсролын хөтөлбөр, сургалтад хэрэгжүүлэхийг хүсэж байгаа шинжлэх ухаанч эрэл хайлт, танин мэдэхүйн дээд түвшинд хийх даалгаврууд ирсэн. Туршилтын онолыг өөрөө боловсруулж, өөрөө төлөвлөх, өндөр нарийвчлалтай гүйцэтгэх, мета үйл ажиллагаа шаардсан, маш өндөр шалгууртай даалгавар ирсэн. Израилийн Боловсролын яамны STEAM боловсролын хөгжлийн газар их сургуультайгаа хамтарч уг олимпиадыг зохион явуулсан нь дэлхийн хөгжлийн хурдыг харууллаа” гэв.

Манай улс сүүлийн 20 орчим жил олон улсын Физикийн олимпиадад оролцож байгаа бөгөөд энэ удаад МУИС-ийн багш, доктор Г.Мөнхбаяр, зөвлөх багш М.Ганбат, МУИС-ийн БУС –ийн дэд захирал, доктор Ц.Амартайван нарын ахлагчтай таван сурагч оролцсон аж.


Сэтгэгдэл

Зочин [202.179.31.19] 2019-07-28 11:17:43

Баяр хүргэе. Монгол улсынхаа нэрийг гаргаж, монгол хүний оюун ухааныг дэлхийд гайхуулж байгаа багш , сурагчиддаа их амжилт хүсье.

zochin [103.26.194.2] 2019-07-28 10:22:29

амжилт гаргасан хүүхдүүдээ баяр хүргэе. Төр засгийн зүгээс анхаарал дутагдаад байгаа. Ирээдүйдээ сайн хөрөнгө оруулалт хийх хэрэгтэй дээ

Зочин [66.181.184.33] 2019-07-27 17:16:16

Баяр хүргэе хойч ирээдүй болсон хүүхэд залуус даа улам их амжилт гаргаж монголынхоо нэрийг өндөрт өргөж монголынхоо физикийн шинжлэх ухааныг улам их хөгжүүлэхийг хүсэн ерөөе


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.