Шатар сонирхогчдын улсын аварга шалгаруулах тэмцээн Төрийн ордонд эхэллээ


Н.Алтанцэцэг / Улстөр

Монгол Улсын Үндсэн хууль батлагдсаны 28 жилийн ойд зориулан Улсын Их Хурлаас уламжлал болгон зохион байгуулдаг шатар сонирхогчдын улсын аварга шалгаруулах тэмцээний шувтаргын тоглолт өнөөдөр Төрийн ордонд эхэллээ.

Улсын Их Хурлын дарга, Монголын шатрын холбооны хүндэт ерөнхийлөгч Г.Занданшатар тэмцээнийг нээж үг хэлэв. Тэрбээр шатар сонирхогчдын улсын аварга шалгаруулах тэмцээнд шалгаран оролцож байгаа шатарчдад Үндсэн хууль батлагдсаны 28 жилийн ойн баярын мэндийг уламжлаад “Хүний хувь заяа их сонин. Найман жилийн өмнө миний бие Монголын шатрын холбооны ерөнхийлөгчөөр ажиллаж байхдаа тухайн үеийн Улсын Их Хурлын даргын ивээл дор шатар сонирхогчдын улсын аварга шалгаруулах тэмцээнийг санаачлан зохион байгуулж байхдаа энэ тэмцээнийг нээж үг хэлнэ гэж төсөөлж байсангүй.”гэж байлаа.

image

Мөн тэрбээр хэлсэн үгэндээ, Жилээс жилд энэ тэмцээний нэр хүнд өсч, оролцогчдын хүрээ тэлж байгаад баяртай байдаг. Энэ тэмцээний эхний шат өнгөрсөн 11 дүгээр сард 330 сум, нийслэлийн 9 дүүрэгт эхэлж, 4885 шатарчид оролцсон байна. Эндээс 800 гаруй шатарчин шалгарч 21 аймаг, нийслэлийн аварга шалгаруулах тэмцээнд өрсөлдсөн. Энэхүү тэмцээнд найман настай балчраас наян настай буурал өрсөлдсөн бөгөөд үүнийг шатрын гайхамшиг гэнэ. Нэг өрөг дээр насны зөрүүтэй хүмүүс ийн өрсөлддөг спорт байхгүй. Эхний шатны тэмцээнд Увс аймагт 676, Баянхонгор аймагт 415, Хөвсгөл аймагт 356 буюу хамгийн их шатарчин оролцсоноороо бусад аймгуудаа манлайлсан байна. Монгол шиг ингэж бүх насныхан шатар тоглодог, сонирхдог орон байхгүй биз. Шатар бол их гүрнүүд, их үндэстний тоглоом гэж боддог. Дэлхийд АНУ, ОХУ, БНХАУ, Энэтхэг, европын томоохон гүрнүүд шатрын спортоор ноёлдог. Тэгвэл 3-хан сая хүнтэй монголчууд, ялангуяа өсвөрийн шатарчид дэлхийд тэргүүлж, ноёлж байгаа нь монгол хүний оюуны цар хүрээг харуулж байгаа сайхан жишээ гэж боддог” гэж байлаа.

image

Түүнчлэн тэрбээр, Улсын Их Хурлаас оюуны спортыг улс орон даяар хөгжүүлж, бодитой дэмжлэг үзүүлэх зорилгоор энэхүү тэмцээнийг зохион байгуулж ирснийг дурдаад энэхүү санаачлагыг дэмжиж, Баянхонгор аймгийн Иргэдийн Төлөөлөгчдийн Хурлаас аймгаараа шатарчин болох хөдөлгөөн өрнүүлж байгааг дуулгалаа.

Энэ үеэр Монгол Улсын Ерөнхийлөгчийн Эдийн засаг, аж үйлдвэрийн бодлогын асуудал хариуцсан зөвлөх Ц.Эрдэнэбат, Улсын Их Хурлын даргад дурсгалын шатар гардуулсны дараа Г.Занданшатар дарга Монгол Улсын гавьяат тамирчин Ц.Батчулуунтай хүндэтгэлийн өрөг нүүлээ.



Сэтгэгдэл

Зочин [122.201.31.226] 2020-01-12 11:05:44

сонгуулийн өмнө юм чинь яадаг юм , чадах чадах юмаараа л , зрвийх тэрвийхээрээ оорийгээ УСЛАНА ш дээ , тэ ЗАНДКАахаа ...

haha [182.160.32.156] 2020-01-11 22:22:13

ZORUUDLESEER ZORSOOR BGD AHMADIIN GADUURHALIIN HUULIIG BATALSAN MUU DULZEN SONGUULIAR CAREER DUUSNA DAA HUURHII, BATTULGIIN TUSHAALAAR CHICHRRED , TAILBAR CH UGUHGUI DAIRAAD BSNDAA, OLON AHMAD CHAMD GOMDSONDOO , OUVS UDAHGUI DUNGIIG N TABIAD, HORIG TABICHINA DAA NAAD HUULIND CHIN

Зочин [202.179.27.50] 2020-01-11 18:38:04

хууль дүрэм батлах ёстой төрийн ордон нь улсын аварга шалгаруулах заал болсон уу,бүүр эргүүтэж өгөх юм аа,1 сургуулийн заал л хаваасаг биз дээ

Зочин [202.179.27.50] 2020-01-11 18:43:38

өчнөөн сургууль амарчихсан хоосон заал танхимууд байхад


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.