Тавантолгой Монголынх биш болчихно. Тэгээд үнэгүй өгнө. Өнөөдөр энэ компани зүгээр л зардал гаргахгүйгээр тэрбум ам.доллар хийдэг машин болчихоод байна.

-Ер нь бараг эцсийн мөчид зогсоож байсан л даа, энэ төслийг тухайн үедээ Та..?

-УИХ-гүйгээр шийднэ гээд тухайн үеийн Ерөнхийлөгч Ц.Элбэгдорж, Ч.Сайханбилэг, Шадар сайд М.Энхсайхан гурав ярьж байгаад явчих гээд байсан. Тэр үед нь зогсоож байгаад, огцруулна шүү гэж айлгаж байгаад л нэг юм авч үлдсэн. Түүнээс хойш нийт монголчуудад ашгаа өгдөг, төмөр замын бүтээн байгуулалт хийж болдог, эзэн нь монголчууд. 80 хувь нь Засгийн газар, 20 хувь нь нийт монголчуудад үлдсэн ийм л компани болж хувирлаа шүү дээ. 80/20-той байгаа энэ компанийг хэрвээ өгөөд явуулчихсан бол 2015 оноос эхлээд монголчууд хувьцаагүй, Засгийн газар хувьцаагүй. Энержи+Шинхуа гэдэг компани эзэн болчихсон, өнөөдрийн хуваарилж байгаа нэг их наяд төгрөгийн цэвэр ашиг нөгөө хоёрт л очно. Яахав, тухайн үедээ Ц.Элбэгдорж, Ч.Сайханбилэг, М.Энхсайханы ярьдаг байсан их гоё макет байгаа юм. Уурхайгаа үнэгүй өгчихье. Гэхдээ оронд нь дөрвөн тэрбум ам.долларын хөрөнгө орж ирнэ гэж. Тэр дөрвөн тэрбум ам.доллар монголчуудад огт падгүй. Тэр хөрөнгөө оруулж байгаа компанийн л өмч болно. Манай хөрөнгө болохгүй. Би энэ ордоо чамд өглөө. Чи оронд нь надад ийм мөнгө өгөх ёстой шүү дээ. Тэгэхэд чи мөнгөө хөрөнгө оруулалт гэж нэрлээд өөр дээрээ биччихэж байгаа юм. Чи миний ордыг худалдаж авч байгаа мөнгө биш. Энэ бол чиний нүүрс ухсан зардал байгаа байхгүй юу. Бүр тийм дампуу юм ч байсан. Хөрс хуулалтынхаа зардлыг хөрөнгө оруулалт гээд тооцчихсон.

Өнөөдөр энэ Шинхуа, Энержигийн нэг ч ам.долларын хөрөнгө оруулалтгүйгээр төлөвлөөд байсан тэрбум ам.долларынхоо экспортод хүрчихлээ. Ямар ч мөнгө аваагүй, ямар ч зээл аваагүй, ямар ч хөрөнгө оруулалт аваагүй тэрбум ам.доллар. 2,780 их наяд төгрөг. Ийм их мөнгийг “Эрдэнэс Тавантолгой” нэг жилд олж байгаа юм. Экспортын орлого. Тэгээд энэ компанийг өгөөд, энэ их орлогыг Шинхуа, Энержи хоёрт үнэгүй өгөх гэсэн улсууд шүү дээ. Одоо их олон юм яриад, нөгөө гацаагч гэсэн үгээ хэлээд байна билээ. Тийм, би гацаасан тэгээд яадаг юм.