Зэвсэгт хүчний жанжин штабаас мэдэгдэл гаргав

Aдмин / Хууль

Монгол Улсад “COVID-19” халдварт цар тахлын улмаас бүх нийтийн бэлэн байдлын зэрэгт шилжсэн энэ үед Зэвсэгт хүчний үйл ажиллагаатай холбоотой буруу ташаа мэдээлэл олон нийтэд түгээсэнтэй холбогдуулж үнэн зөв мэдээллийг хүргэж байна.

ЗХЖШ-ын Ажиллагааны удирдлагын газрын дарга, бригадын генерал С.Дашзэвэг: “Нэгд, Бүгд найрамдах Өмнөд Судан улсад 1 жилийн хугацаатай үүрэг гүйцэтгэж ирсэн иргэн Т нь Цэргийн төв эмнэлэгт тусгаарлагдаж байгаад, Т-гийн 3 дахь удаагийн шинжилгээний хариу эерэг гарч, Т-г ХӨСҮТ-д шилжүүлсэн. Зэвсэгт хүчний 119 дүгээр ангид байрлаж байгаа цэргийн албан хаагчдаас одоогоор нэг ч эерэг шинжилгээний хариу гараагүй бөгөөд бүгд тусгаарлалтанд байгаа.

Хоёрт, ХБНГУ-ын Зэвсэгт хүчний 80 цэргийн алба хаагч 2020 оны 09 дүгээр сарын 14-ний өдөр Улаанбаатар хотод ирж, Монгол Улсын Онцгой комиссоос гаргасан тусгаарлалтын журмын дагуу "Кемпински" зочид буудалд 21 хоног тусгаарлагдсан. Тусгаарлалтын хугацаанд 3 удаа коронавирусын шинжилгээнд хамрагдсан. Энэ албан хаагчдаас “COVID-19” халдвар илэрсэн гэсэн худал мэдээлэл олон нийтийн сүлжээгээр гарсан. Германы цэргийн албан хаагчдаас халдварт өвчнөөр өвдөөгүй. Хэрвээ худал мэдээлэл түгээсэн бол бид хууль, цагдаагийн байгууллагад хандах болно” гэлээ.

Зэвсэгт хүчний жанжин штабын албан ёсны мэдэгдлийг бүхщрэн эхээр нь та бүхэнд танилцуулж байна.

Исламын Бүгд Найрамдах Афганистан Улсад явагдаж буй олон улсын цэргийн ажиллагаанд Монгол Улсын Зэвсэгт хүчний цэргийн баг 2009 оноос ХБНГУ-ын Зэвсэгт хүчинтэй хамтран үүрэг гүйцэтгэж эхэлсэн.

Монгол Улс-Холбооны бүгд найрамдах Герман улсын Батлан хамгаалах салбарын хооронд байгуулсан гэрээний дагуу үүрэг гүйцэтгэх Монгол Улсын Зэвсэгт хүчний цэргийн багийн ажиллагааны өмнөх бэлтгэлийг ХБНГУ-ын Зэвсэгт хүчинтэй хамтран зохион байгуулдаг.

Энэ удаагийн цэргийн багийн хамтарсан бэлтгэлийг хангах, уулын явган цэргийн сургалт зохион байгуулах зорилгоор ХБНГУ-ын Зэвсэгт хүчний 80 цэргийн алба хаагч 2020 оны 09 дүгээр сарын 14-ний өдөр Улаанбаатар хотод ирж, Монгол Улсын Онцгой комиссоос гаргасан тусгаарлалтын журмын дагуу "Кемпински" зочид буудалд 21 хоног тусгаарлагдсан. Тусгаарлалтын хугацаанд 3 удаа коронавирусын шинжилгээнд хамрагдсан.

Хамтарсан сургалт дадлагыг Таван толгой дахь Зэвсэгт хүчний Сургалтын нэгдсэн төвд, уулын явган цэргийн сургалтыг Тэрэлжид 2020 оны 10 дугаар сарын 11-нээс 11 дүгээр сарын 01-ний өдрүүдэд тус тус зохион байгуулсан юм.

ХБНГУ-ын Зэвсэгт хүчний цэргийн алба хаагчид 2020 оны 11 дүгээр сарын 06-ны өдөр ХБНГУ-ын Зэвсэгт хүчний тусгай үүргийн нислэгээр буцах төлөвлөгөөтэй байсан. Гэвч ХБНГУ-аас ирэх нислэгийн багийн нэг гишүүний коронавирусний шинжилгээний хариу эерэг гарсан учраас Монгол Улс руу хийх нислэг цуцлагдсан бөгөөд нислэгийн хуваарийг дахин төлөвлөж, 2020 оны 11 дүгээр сарын 19-ний өдөр ХБНГУ-ын цэргийн албан хаагчид нутаг буцсан юм.Олон нийтийн сүлжээгээр “Саруул Агваандо” нэртэй хэрэглэгчийн иш татаж, нийтэд цацсан мэдээлэл нь ташаа мэдээлэл бөгөөд ХБНГУ-ын цэргийн алба хаагчид Өмнөговь аймгийн Таван толгой руу зорчоогүй бөгөөд сургалт бэлтгэл Төв аймгийн Таван толгой дахь Зэвсэгт хүчний Сургалтын нэгдсэн төвд явагдсан. Хэрвээ худал мэдээлэл түгээсэн тохиолдолд бид хууль, цагдаагийн байгууллагад хандах болно.

Герман Улсын хэвлэл мэдээллийн хэрэгслээр цацагдсан ташаа мэдээллийг залруулахаар Монгол Улсад ХБНГУ-аас суугаа Элчин сайдын яам ажиллаж байна гэж Зэвсэгт хүчний жанжин штабаас мэдэгдлээ.


Сэтгэгдэл

кочин [203.91.115.37] 2020-11-25 14:37:03

анх худал мэдээг өгөрөа гэгч тараасан үүнд арга хэмжээ авах чээ бусдаас түрүүлэж мэдээ олдог хүн болох гэж дандаа худалаа бичэх юм 1 л их мэдэгч авгай

Хүрэл [192.82.67.22] 2020-11-25 15:50:41

Худал мэдээлэл тараасан хэвлэлийнхэнийг хорих ялаар шийтгэхгүй цагт худал мэдээлэл тасрахгүй л дээ хэлэлийн эрх чөлөө гэдгээр далимдуулж хүн гүтгэх муулах хагалан бутаргах ер нь ямарч юм хийхээс буцхаа больсон шүү энэ сэтгүүлчид дэндэж байгаа шүү дээ хоёрын хооронд хэдхэн төгрөгөөр торгоод сануулаа д яах юм шууд хорих ялаар шийтгүүлдэг бол засарч магадгүй

ннн [202.126.90.159] 2020-11-25 09:56:04

яасан ч урт юм бичих юм

Монгод [66.181.188.179] 2020-11-25 07:46:36

Төр засгийн болон иргэдийн нэр хүндийг олон нтйтийн өмнө унагаах гүтгэлгийн чанартай худал ташаа мэдээлэл цацаад байгаа хэвлэл мэдээллийн байгууллаг сэтгүүлч нэртэй ямарч соёлгүй харьцаатай "цайны авгай" нарын үйлдэл хэрээс хэтэрч байна.шүү. Эх сурвалж дурдаагүй худал ташаа мэдээллээр иргэдийн тархийг угааж төөрөгдөлд оруулж байгаа мэдээллийн эздийг олж тогтоож хатуу хариуцлага тооцох цаг болсон байна шүү . Хууль сахиулагчид холбогдох байгууллагууд анхаарна уу


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.