Бүх төрлийн будаа, ургамлын тосыг НӨАТ-аас чөлөөлнө

Aдмин / Хууль

УИХ-ын чуулганы өнөөдрийн хуралдаанаар, Нэмэгдсэн өртгийн албан татвараас чөлөөлөх тухай хуулийн төслийг хэлэлцэхийг дэмжлээ.

COVID-19 цар тахлын байдлыг урьдчилан төсөөлөх боломжгүй нөхцөлд хүнсний хангамжийн тогтвортой байдлыг хангах зорилгоор бүх төрлийн хүнсний будаа (цагаан будаа, гурвалжин будаа, шар будаа, бусад), ургамлын тос болон 2020-2021 оны өвөлжилт, хаваржилтыг хүндрэлгүй давахад шаардагдах бүх төрлийн малын тэжээл, өвс, тэжээлийн үр, хүнсний улаанбуудай, улаанбуудайн үр, тослог ургамал, ургамлын түүхий тосыг импортлоход нэмэгдсэн өртгийн албан татвараас, Монгол Улсын нутаг дэвсгэрт боловсруулсан ургамлын тос, бүх төрлийн хүнсний будааг (цагаан будаа, гурвалжин будаа, шар будаа, бусад) нэмэгдсэн өртгийн албан татвараас 2021 оны тавдугаар сарын 1 хүртэл чөлөөлөх зохицуулалтыг төсөлд тусгасан байна.

УИХ-ын Төсвийн байнгын хорооны өчигдрийн хуралдаанаар уг хуулийн төслийг хэлэлцэхийг дэмжсэн талаарх санал, дүгнэлтийг УИХ-ын гишүүн Х.Булгантуяа танилцуулав.

Байнгын хорооны санал, дүгнэлттэй холбогдуулан УИХ-ын гишүүн Б.Пүрэвдорж, С.Ганбаатар, Н.Алтанхуяг, Г.Мөнхцэцэг, Б.Бат-Эрдэнэ, Ц.Даваасүрэн нар асуулт асууж, үг хэлсний дараа санал хураалаа. Хуралдаанд оролцсон 65 гишүүний 38 нь буюу 58.5 хувь нь Нэмэгдсэн өртгийн албан татвараас чөлөөлөх тухай хуулийн төслийг хэлэлцэхийг дэмжсэн юм. Иймд төслийг анхны хэлэлцүүлэгт бэлтгүүлэхээр Төсвийн байнгын хороонд шилжүүлснээр чуулганы өнөөдрийн хуралдаан дуусав.

www.montsame.mn


Сэтгэгдэл

Irgen [202.9.40.63] 2020-11-28 23:09:04

Nutuus chuluuluud bga murtuu ynee nemeed bdg ene xydaldaa erxlegchided ashigtai bolxoos ard tymend ach tysgyi l bga shy yrgamaliin tos end dyrdsan byx baraa er ni xynsnii byx byteegdyyn zardag gazryyd ynee nemeed bga yyniigee boliylaach

Зочин [103.140.11.2] 2020-11-27 17:01:16

НӨАТ чөлөөллөө гээд үнэн буухгүй шүү дээ нөгөө л хүмүүсийн гармаа түнтиин шүү дээ

Зочин [223.11.150.79] 2020-11-27 16:19:55

ariutgal n ih ondor bolov uu


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.