Ковид-19 цар тахлын халдвар сүүлийн өдрүүдэд нэмэгдэж байгаа учир Монголын хөл бөмбөгийн холбооны бүх тэмцээн 2022 оны 1 дүгээр сарын 13-ны өдрөөс эхлэн хаалттай явагдахаар боллоо.

Энэ нь нийт тамирчид, багш дасгалжуулагч болон хөгжөөн дэмжигч, үзэгчдийг эрсдлээс хамгаалах үүднээс авч буй арга хэмжээ юм.

МХБХ-ны бүх тэмцээн, уралдааны мэдээ мэдээллийг холбооноос цаг алдалгүй хүргэж ажиллах аж. Хөл бөмбөгийн баг тамирчид, дасгалжуулагчид, дэмжигч та бүхэн хувийн ариун цэвэр болон халдвар хамгааллын дэглэмийг чанд сахин эрүүл мэнддээ онцгой анхаарал хандуулахыг МХБХ-ноос уриаллаа.