Өмнөговь аймгийн Цогтцэций сумаас алга болсон 15 настай охидыг Улаанбаатар хотоос олжээ.

Энэ сарын 28-нд буюу өчигдөр Өмнөговь аймгийн Цогтцэций суманд “15 настай хоёр охин алга боллоо” гэх дуудлага, мэдээлэл Цагдаагийн байгууллагад ирсэн байна.

Дуудлага мэдээллийн дагуу тус сум дахь цагдаагийн хэлтсээс эрэн сурвалжлах ажиллагааг шуурхай зохион байгуулан ажиллажээ. Охидыг өнөөдөр 10:40 цагийн үед оршин суух газраасаа сураггүй алга болсон 15 настай У, М нарыг Нийслэлийн Баянгол дүүргийн нутаг дэвсгэрээс олж, тогтоосон байна.
Одоогоор хүүхдүүдийн биеийн байдал хэвийн байгаа бөгөөд эрх нь зөрчигдсөн эсэхийг тодруулахаар шалгалтын ажиллагааг үргэлжлүүлж байна.