Иргэн Даваагийн Мөнх-Эрдэнэ шүүхээр яллагдаж, нийгмийн сүлжээнд шуугиан дэгдээгээд байна. Цахим орчинд үзэл бодлоо илэрхийлж, төр засгийг, авлигачдыг шүүмжилсэн иргэдийг яг ижилхэн зам хүлээж байна уу. Мөнх-Эрдэнэ бусдаас авлига авсан өгсөн, мөнгө угаасан, эрх мэдлээ ашиглан мөнгө завшсан хэрэгт буруутгагдаад байгаа ч шүүхээр тогтоогдсон хохирол, хор уршиг нь төсвийн мөнгөөр төр засаг, ард түмнээсээ баян цатгалан болж, гадаадад оффшор данс эзэмшигчдийн дэргэд өчүүхэн. Өөрөөр хэлбэл хууль шүүхийн байгууллага “хуулийн өмнө хүн бүр ижил тэгш эрхтэй”-г мартсан мэт. Мөнх-Эрдэнийн ойрын хүмүүс болон иргэдийн үзэж буйгаар зарим төрийн өндөр албан тушаалтнуудын булхайг ил цагаан, хурцаар шүүмжилснийх нь төлөө түүнийг хорих ялаар шийтгэлээ... Гэв.

Нүүрсний хулгай, Хөгжлийн банк, 60 тэрбум, уул уурхайтай холбоотой төрийн өндөр албан тушаалтнуудын гэмт хэрэг шүүхээр шийдэгдэхдээ шат дараалан ял нь хөнгөрсөөр бүр сүүлдээ цагаадаж гэмгүй, хэлмэгдсэн болж хувирдаг гажуудал Монголд бий болсон.

Харин хуулийг хэн дээр хатуу хэн дээр зөөлөн хэрэглэхээ хүссэн үзэмжээрээ шийддэг болсон уу гэлтэй тодорхой хүмүүсийн холбогдсон хэргүүд хатуу ял авч буй жишээнүүдэд нэг адил тал байгаа нь төрийн үйл ажиллагааг шүүмжилж, нийгмийн сүлжээнд олон хүний хүрээллийг өөртөө татаж, нийгмийн шинэчлэлийн оновчтой хэлбэрүүдийг нэрлэсэн байх.

Нийгмийн бурангуй, хар барааныг зад татаж, ил гаргасан хүн бүрийг цаашид хорь цагдаж, залхаан цээрлүүлсээр байвал шоронд багтахаа болих вий. 40 их наядын, 300, 400 тэрбумын хохиролтой хэргийн шийдэл бүрхэг, 50,60 мянгын, 500, 600 мянгын хохиролтой хэрэг ял зэм өндөртэй байгаагийн цаад талд ард түмнээ басамжлан дарангуйлсан төрийн төмөр савар ажиллаж байгаа нь бодит үнэн юм. Ямар ч цаг үед төр буруугүй, төрийг бүрэлдүүлэгчид буюу түшмэдүүдийн балаг хор хөнөөл их. Олон жил бугшсан бээр, баар дэлбэрэх тусам Монголын нийгмийг төчнөөн жил шимэгчилсэн бүлэглэлүүд байж ядан үхэхдээ үхэр буугаа тавьцгааж байна. Хуулийг дураараа хэрэглэж, улс төрийн элдэв хуурамч жүжиглэлтээр өвчилж, үнэнийг хүлээж авах чадваргүй болсон авлигын авторууд хэзээ шударга ёсыг хүлцэх...