Киргизстан улсын Бишкек хотноо Каба Уулу Кожомкул болон Раатбек Санатбаевын нэрэмжит дэлхийн чансааны оноо олгох энэ жилийн гурав дахь цуврал тэмцээн болж байна. Уг эмэгтэйчүүдийн 62 кг-ын жинд "Алдар" спорт хорооны дэлхийн болон Азийн аварга, гавьяат тамирчин Пүрэвдоржийн Орхон мөнгө, ДАШТ-ий алт, мөнгөн медальт, гавьяат тамирчин Сүхээгийн Цэрэнчимэд хүрэл медаль хүртлээ.

П.Орхон финалд Украины Илона Прокопевниукт 3:8-аар ялагдсан бол С.Цэрэнчимэд хүрэл медалийн төлөөх барилдаанд Германы Луиза Нимешийг 6:3-аар ялсан юм.