Дональд Трампыг 2020 оны сонгуулийг хүчингүй болгохыг оролдсон хэргээр шүүх хурлыг даргалж буй холбооны шүүгч түүний өмгөөлөгчид болон холбооны прокуроруудыг баасан гарагт болох нотлох баримтыг хэлэлцэх шүүх хуралд оролцохыг тушаажээ. Д.Трампын өмгөөлөгчид болон АНУ-ын тусгай зөвлөх Жек Смитийн ажлын албаныхан шүүх хурлын товын асуудлаар ширүүхэн маргалдсаны эцэст дүүргийн шүүгч Таня Чуткан тус хурлыг баасан гаргийн 10.00 цагт хийхээр товложээ.

Прокурорууд энэ долоо хоногийн аль ч өдөр шүүх хуралд оролцоход бэлэн гэж мэдэгдсэн бол Д.Трампын өмгөөлөгчид ирэх долоо хоног эхлэх хүртэл хойшлуулахыг хүссэн байна. Шүүх хурлын товын талаарх талуудын санал зөрөлдөөн нь Д.Трампын багийнхны шүүх хурлыг хойшлуулах, удаашруулах гэсэн сүүлчийн оролдлого юм.

Энэ нь Д.Трампын баг Вашингтон болон өмнөд Флоридад байрладаг хоёр тусдаа холбооны шүүхэд түүнийг төлөөлж байгаагаас үүдэлтэй ложистикийн асуудалтай холбоотой байж болох юм. Өмнөд Флоридагийн шүүх Д.Трампыг нууцын зэрэглэлтэй баримт бичгүүдийг хадгалсан хэргээр буруутгаж байгаа билээ. Харин Д.Трамп уг хэрэгт өөрийгөө буруугүй гэж мэдэгджээ.