Өчигдөр нээгдэх цагаас нь өмнө нэгэн залуу Эйфелийн цамхаг руу нэвтэрсэн. Харуул хамгаалалтын ажилчид түүнийг харсан даруйдаа зогсоох гэж оролдсон ч залуу тэднээс түрүүлж цамхгийн орой дээр гарчээ. Тэрбээр цүнхнээсээ шүхэр гаргаад оройгоос нь буюу 330 метрийн өндрөөс үсэрсэн байна.

Залуу ойролцоох нэгэн спортын ордны дээвэр дээр газардсан гэв. Түүнийг буусны дараа цагдаа нар бусад хүмүүсийн амь насыг эрсдүүлэх үйлдэл хийсэн хэмээн баривчлахаар болжээ.

Өмнө долоо хоногт Эйфелийн цамхагт тэсрэх бөмбөг байрлуулсан гэх заналхийлэл болон согтууруулах ундаа хэрэглэсэн АНУ-ын хоёр жуулчин цамхагт хоносон зэрэг хэрэг гарсан. Үүний улмаас цамхгийн үйл ажиллагааг хоёр ч удаа зогсооход хүрсэн байна.