“Улаанбаатар 2023” Зүүн Азийн залуучуудын наадмын хөлбөмбөгийн тэмцээн өнөөдөр өндөрлөнө. Өчигдөр эмэгтэй багууд аваргаа тодруулж, БНСУ-ын охид тэргүүлсэн бөгөөд өнөөдөр МХБХ-ны ногоон талбайд эрэгтэй багуудын шийдвэрлэх тоглолтууд болно.

Одоогийн байдлаар Тайвань, Хонконгийн баг ижилхэн 6 оноотой байнаа. Гэхдээ Тайванийн баг гоолын зөрүүгээр дээр нь бичигдэж байна. Өнөөдөр 12:30 цагаас энэ хоёр баг хоорондоо халз тулж, аваргын төлөө өрсөлдөнө.

Мөн 17:00 цагаас манай шигшээ баг Макаотой тоглоно. Оноо аваагүй байгаа хоёр багийн хэн ялсан нь хүрэл медаль хүртэнэ. Хөлбөмбөгийн тэмцээнийг ТВ6, MNB телевиз шууд дамжуулан үзүүлж байна.

Спорт сонирхогчид та бүхэн МХБХ-ны ногоон талбайд ирж, шигшээ багаа дэмжээрэй.

Нийтэлсэн: “Улаанбаатар 2023” Зүүн Азийн залуучуудын наадам