“Тод каннам” гэх эмнэлэг иргэнд өөх соруулах мэс ажилбар хийж, мэс заслын үеэр үйлчлүүлэгч нь амиа алдсан харамсалтай хэрэг 2019 оны гуравдугаар сард гарсан. Хэрэг үйлдэгдэж, хүний алттан амь хохироод дөрвөн жил гаруй хугацаа өнгөрсөн ч тухайн хэргийн шүүх хурал болж чадахгүй хойшилсоор байсан.

Тэгвэл уг хэргийн шүүхийн урьдчилсан хэлэлцүүлэг маргааш /2023.09.05/ 09.00 цагаас ХУД-ийн Эрүүгийн хэргийн Анхан шатны шүүхэд болно. Тухайн хэрэгт “Тод каннам” эмнэлгийн захирал Д.Тоднямыг яллагдагчаар татах саналыг хохирогчийн зүгээс гаргаснаар шүүх хурал нэмэлт мөрдөн байцаалтад буцаад байсан юм.

Тухайн хэргийн хохирогч нь айлын ганц охин, хорь гаруйхан насны эмэгтэй байсан ба түүний охин нь өнчрөн үлдсэн билээ. Харин тухайн эмнэлэг нэрээ өөрчлөн ажиллаж байгаа гэх мэдээлэл бий.

Эх сурвалж: Цахиур.мн