Барилгын салбарын 33 компанийн ажлын гүйцэтгэлийн түүхийг шалгаж байна

Aдмин / Хууль

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2023 оны 11 дүгээр сарын 6-10-ны өдрүүдэд авлигын шалтгаан, нөхцөлийг арилгах чиглэлээр Барилга, хот байгуулалтын яам, Хөдөлмөр, халамжийн үйлчилгээний ерөнхий газар, Иргэний нисэхийн ерөнхий газар, Гаалийн ерөнхий газар, Улсын бүртгэлийн ерөнхий газар зэрэг төрийн байгууллагуудтай хамтран ажиллав.

Авлига, албан тушаалын гэмт хэргээс урьдчилан сэргийлэх дэд зөвлөлийн 2023 оны үйл ажиллагааны төлөвлөгөөнд тусгагдсан “Авлига, албан тушаалын гэмт хэрэг, зөрчлийн талаар мэдээлэл солилцох уулзалтыг зохион байгуулж хэвших, хамтын ажиллагааг нэмэгдүүлэх” арга хэмжээний хүрээнд авлигын гэмт хэргийг мөрдөн шалгах ажиллагааны үр дүн, хуулийг нэг мөр ойлгон хэрэгжүүлэхтэй холбоотой гарч буй хүндрэл бэрхшээл, Эрүүгийн хууль, Эрүүгийн хэрэг хянан шийдвэрлэх тухай хуулийн хэрэгжилтийн үр дагаварт үнэлгээ хийх хэрэгцээ шаардлагын талаар ярилцаж, харилцан мэдээлэл, санал солилцох уулзалтыг 2023 оны 11 дүгээр сарын 10-ны өдөр “Олон нийтийн төв”-д зохион байгууллаа.

Уг уулзалтад Авлигатай тэмцэх газар, Хууль зүй, дотоод хэргийн яам, Монгол Улсын Гэмт хэргээс урьдчилан сэргийлэх зөвлөл, Шүүхийн ерөнхий зөвлөл, Улсын ерөнхий прокурорын газар зэрэг байгууллагын төлөөлөл 35 хүн оролцов.

“Гэрээний үүргээ хангалтгүй гүйцэтгэсэн аж ахуйн нэгжүүдийн талаар “Ажлын гүйцэтгэлийн түүх” үүсгэж, тендерт өрсөлдөх байдлын шалгуур үзүүлэлтэд оруулах ажлыг зохион байгуулах чиглэлээр Барилга, хот байгуулалтын яам, “Барилгын хөгжлийн төв” ТӨҮГ-аас 33 аж ахуйн нэгжийн жагсаалтыг гаргуулан дүн шинжилгээ хийж, ажлын гүйцэтгэл бүрэн хангагдсан ажлыг хүлээн авах зорилгоор “Сайн, муу ажлын түүх үүсгэх” бүртгэл, судалгааг хийж, улмаар мэдээллийн сан бүрдүүлэхээр ажиллаж байна.

Нийтэлсэн: Авлигатай Тэмцэх газар


Сэтгэгдэл

Зочин [66.181.186.188] 2023-11-16 22:49:34

Компаний нэрсийг зарлаач эээээ

Зочин [66.181.179.12] 2023-11-16 22:21:00

Монгол улсад нэг том луйварын компани ба . Барилгын улсын байгуулгуудын орон сууцыг барьж өгөх нэрээр луйварддаг ах дуу аав нь цагдаад бсан Ёөрөнхийлөгчийн хамгаалтын албаны дарга Хурэлсухийн нэрийг барьж шүүгч нартай нийлж луйвар хдэг ийм нэг залин айлган сурдуулэлт хуулыхнаар айлган дарамталдаг компан бий болж төрийн албан хаагчдыг айдаст автуулдаг компанийг сайн шалгаж өгөөч

зочин [202.179.15.130] 2023-11-16 15:53:37

Иргэдээс бодитой санал хүсэлт авахгүй юм байх даа, нэг компанитай гэрээ байгуулж газраа өгсөн, гэрээндээ хугацаандаа барилгаа өгч чадахгүй бол түрээсийн байрны төлбөр авахаар тусгасан. Гэвч барилга ашиглалтанд ороогүй 5 дахь сардаа явж байгаа боловч гэрээний үүргээ биелүүлж нэг ч төгрөг төлөөгүй, барилга нь таг зогсчихсон, яах ёстой юм бүү мэд, түрээсийн байрны төлбөрт дарагдаж баларч байнаа

Зочин [59.153.115.117] 2023-11-16 15:02:15

Ямар компаниа зарлаачээ худлаа баахан шүгэлдэх юмаа


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.