Японы нийслэл Токио хотод жүдо бөхийн энэ оны сүүлийн Их дуулга болж, 88 орны нийт 506 жүдоч хүч үзэж өрсөлдсөн юм.

Эрэгтэйчүүдийн 66 кг-ын жинд ДАШТ-ий хошой хүрэл медальт, МУГТ Ё.Басхүү алтан медалийн төлөө Японы бөх, олимп, дэлхийн аварга Абе Хифүмид цэвэр ялагдсанаар мөнгөн медаль хүртлээ.

Тэрбээр “C” хэсгийг тэргүүлж эхний тойрогт гоц мөргөөд дараагийн тойрогт Тайванийн Ен-Мин Чен, Израйлын Матан Коколаев, Бразилын Лима Виллиан, Францын Дайдий Боуба нарыг ялж шигшээд шалгарсан юм.

Тэд өмнө нь 2019 оны ДАШТ, “Токио-2020” олимпын наадамд барилдахад мөн л Абе Хифүжи ялж байсан юм.