Авлигалын автор, албан тушаалын мөртэй аливаа гэмт хэрэг араасаа өч төчнөөн дагуул, сүлбээ, далд хамааралтай байдгийг эс андах хэр нь тогтолцоо шинэчлэгдэх бодит алхам хийгдэхгүй хэвээр. Ийм бурангуй байдлын тод жишээ авлигал албан тушаалын гэмт хэрэгт нэр холбогдсон этгээдүүд улс төрд манлайлж оролцдог гажуудал нийгмийн цочир сэдэв биш байх ёстой үзэгдэл болжээ. Улс төрчдийн, бүлэглэл хоорондын бохир явуулга, явцуу эрх ашгийн нэгдэл, сэм тохиролцооны үрээр сонгуулийн дүн мэдээ ч шийдэгдэх маягийн түүхэнд байгаагүй нийгмийн бурангуйлал ажиглагдав.

Олон жил авилгалын тогтолцоонд нухлагдсан Монголын ард түмэн ардчиллаа жинхэнэ утгаар нь ойлгоцгоож бохирлогдсон нийгмийнхээ ялзарсан хэсгийн явуургүй бодлогын эсрэг сөрж үүнийхээ томоохон баталгаа болгон шат шатны сонгуульд намуудын доторх хуйвалдагчдыг бус шударга боловсон эрч хүчтэй нэгнээр төрд төлөөллөө сонгох эрх чөлөөндөө нэлээд их найдлага тавьж буйгаас харагддаг.

Харин намууд аливаа хэлбэрээр албан тушаалын гэмт хэрэгт нэр холбогдсон нэгнийг нэр дэвшүүлэхгүй гэх амлалтын маягийн суртал ухуулга хийх нь хэдий харалган ч туршлагаа заан популист хөөсрөл өдөөх аргаа аль хэдийн олцгоосных.

Д.ЭНХБАТ