Аливаа мэдээлэл нийгэмд сөрөг нөлөө үзүүлж байвал түүнийхээ төлөө мэдээллийг түгээсэн этгээд хуулийн хариуцлага үүрдэг. Сэтгэгдэл бичих ч үүнд хамаарна. Ер нь хүмүүс сэтгэгдэл бичихдээ намайг гэж хэн мэддэг юм гэх байдлаар дураараа бичих хандлага ажиглагддаг. Тэгвэл интернэт хэрэглэгч хүн бүрт IР хаяг гэж байдаг бөгөөд утасны дугаартай адил зүйл учир тухайн хүний хаяг байршил зэрэг хувь хүний мэдээлэл нь бүртгэлтэй байдаг гэсэн үг.

Ялангуяа улс төрийн сонгуулийн үед хэн нэгний нэр хүндийг албаар харлуулж, хуулиар хамгаалагдсан эрхийг ноцтой зөрчих үйлдлүүд ихээр гардаг. Бусдын нэр хүндэд зориудаар халдах үйлдэлд хүлээлгэх хариуцлагыг зөрчлийн хуулиас чангатган эрүүгийн хуульд оруулсан байдаг.

Эрүүгийн хуулийн 13.14 дүгээр зүйлд худал мэдээлэл тараах буюу “Хүний нэр төр, алдар хүнд, хуулийн этгээдийн ажил хэргийн нэр хүндэд халдсан илт худал мэдээллийг олон нийтэд тараасан бол дөрвөн зуун тавин нэгжээс нэг мянга гурван зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас гурван сар хүртэл хугацаагаар зорчих эрхийг хязгаарлах ял шийтгэнэ.

Утасны цаанаас хэн ч харахгүй гэж сэтгэгдэл бичдэг гэж бодож болохгүй болжээ