2024 оны эхний есөн сарын гадаад худалдааны мэдээллийг Гаалийн Ерөнхий Газраас өнөөдөр танилцуулав. Дурдсан хугацаанд импортоор нийт 8.6 тэрбум ам.долларын бараа, түүхий эд оруулсан нь 2023 оны мөн үеэс 1.9 тэрбум ам.доллароор буюу 27.4 хувиар өссөн байна.

Импортоор нийлүүлэгдсэн барааны 95.9 хувийг валютын төлбөртэй худалдаа, нэг хувийг гадаадын зээлийн хөрөнгөөр нийлүүлсэн бараа, 0.8 хувийг гадаадын тусламжийн бараа, 1.6 хувийг гадаадын хөрөнгө оруулалтаар нийлүүлсэн бараа, 0.4 хувийг төлбөрт зориулсан бараа эзлэв.