“Ард санхүүгийн нэгдэл”-ийн ТУЗ-ийн дарга Ч.Ганхуяг өнөөдөр (2024.12.10) "Зууны Мэдээ" сонины байранд хэвлэлийн бага хурал хийлээ. Тэрбээр өөрийг нь шүүхийн байгууллагаас өмнө "Эмэгтэй хүний биед халдаж, танхайрсан" хэмээн хэвлэл мэдээллийн хэрэгслээр “яллаж”, шүүхийн шийдвэрт нөлөөлсөн гэж үзэж байгаагаа илэрхийлэв.

Хоёр жилийн турш хэвлэл болон нийгмийн сүлжээнд ийнхүү гүтгүүлсэн ч Ч.Ганхуяг эмэгтэйн биед халдсан гэдэг нь ямар ч үйл баримтаар нотлогдоогүй тул шүүхийн шийдвэрийг үнэн зөв гарна гэдэгт эргэлзэлгүй хүлээсэн байна.

Гэвч бодит байдал дээр шүүх болон прокурор “хэвлэл мэдээллээр өндөр авсан” хэрэг учраас өрөөсгөл шийдвэр гаргаж, түүний улмаас анхан шатны шүүх Ч.Ганхуягийг буруутай хэмээн үзжээ.

Иймд тэрбээр "Ард санхүүгийн нэгдэл"-ийн ТУЗ-ийн даргын хувьд нэр төрөө сэргээлгэх, хэргийг үнэн мөнөөр шийдүүлэх үүднээс шүүхэд давж заалдахаар болсон тухайгаа мэдээллээ.

Б.ЖАРГАЛ