Б.Энхбаяр: Хоригдлыг галчаар амраасан юм байна

Авлигатай тэмцэх газрын дарга З.Дашдавааг тус албан тушаалд улираан томилох асуудлыг хэлэлцэх үеэр /2025.04.02/ УИХ-ын гишүүн Б.Энхбаяр "7.5 тэрбум төгрөгийн авлигын мөнгө сейфэндээ хадгалж байгаад баригдсан С.Батдөл ШШГЕГ-ын Богд Уулын амралтын газар ялаа эдэлж байна. Засгийн газар яагаад байгаа юм бэ. Энийг амралтын газар амрааж байгаа хүн нь мөнгө мэддэг сайд байна гэсэн үг. Амрааж байгаа хүнээ олж шийтгээрэй" гэж хэлсэн.
Харин өчигдөр Б.Энхбаяр “Хоригдлыг галчаар амраасан юм байна. Галч гэж хоригдол байдаг юм уу. Б.Жавхлан сайдын сонгуулийн ерөнхий менежер нь ямар хүн байсан бэ. Тэр хүн С.Батдөлтэй хамаатан байна уу, аав нь байна уу, ээж нь байна уу үз. Улс төрийн хүрээнд ямар албан тушаалд хэнийг лоббидож томилогдсон бэ гэдэг мэдээллүүд байдаг. С.Батдөлийг Б.Жавхлан авчирсан гэсэн мэдээлэл бий. Би 2023 оны 12 дугаар сард нүүрсний сонсгол хийж байхад л энэ асуудлыг ярьж байсан. Б.Жавхланг гэрчээр дуудаж байсан” гэв.
Б.Жавхлан: тэр залуутай огт холбоо сүлбээ байхгүйгээ онцолж хэлье
Сангийн сайд Б.Жавхлан эл асуудалд хариу тайлбар хийв. Тэрбээр “Б.Энхбаяртай Засгийн газарт хамт ажиллаж байсан. Засгийн газарт ажиллахын жаргал, зовлонг маш сайн мэддэг хүн. Өөрөө энэ салбарын хүн, иймэрхүү юм ярьж байгаа нь маш харамсалтай. Юунд ингээд хорсоод яваад байдаг юм бэ, мэдэхгүй. Би гайхаж байна.
Сэдэв болгон дээр ингэж орж ирж, над руу дайрдаг. Би нэлээн хүлээцтэй, тэвчээртэй харж байгаа. Хүний тэвчээрт хязгаар байгаа шүү. Өөрөө төсвийн ерөнхийлөн захирагч байсан хүн. Өөрийнх нь харьяа байгууллагын төсвийг ярьж байх шиг байна. Харьяа байгууллагынх нь төсөв нэмэгдээд үйл ажиллагаа нь сайжирч байвал сайн.
Тэр залуу Дарханы залуу. Дарханд төрж өссөн. Аав, ээж нь манай намын ахмад гишүүн. Хүүхдүүдээ захиж байсан тал байгаа. Тэр асуудалтай холбож, намайг буруутгаж, хар буруу юм наах гэж байгаа бол ёстой амжихгүй шүү. Шүүхийн шийдвэр гүйцэтгэлийн ерөнхий газар бол бие даасан байгууллага. Тэр хүн хаана хуулийнхаа дагуу ялаа эдлээд байж байгааг огт мэдэж байгаа юм алга. Тэр асуудалд санаа тавьж явах зав ч алга. Сангийн сайд ийм юманд оролцдог юм уу гээд ШШГЕГ-аас асуучих хэрэгтэй. Хуулийн байгууллага нь шалгаж тогтоогоод, тэр залуу ялаа эдлээд явж байгаа гэж ойлгосон.
Дарханых л бол сайн ч бай, муу ч бай надад наах гэж оролддог. Ер нь мууг нь л надтай холбодог. Ийм өнцгөөр явчихсан юм болов уу л гэж харж байна. Тэр залуутай огтын холбоо сүлбээ байхгүй гэдгийг онцолж хэлье.
Шүүхэд хандах эсэх тухайд Б.Энхбаяр гишүүнийг өөрийг нь харъя, нотлох хэрэгтэй. Юунд хорсоод гүйгээд байгаа юм бэ, бүү мэд” гэв
Б.Нандинболор: С.Батдөл хорих ангидаа ялаа эдэлж байна
ШШГЕГ-ын дарга Б.Нандинболор "Гурван шатны шүүхээс 7.4 жилийн ял авсан С.Батдөл гэж хүн 409 дүгээр хорих ангид ялаа эдэлж байгаа. Энэ хүн 2023 оны арваннэгдүгээр сард шүүхээр таслагдаад, манай хорих ангийн мэдэлд ирсэн. 2024 оны есдүгээр сарын 29-нд Төр хурахын аж ахуйн хэсэгт хуваарилагдсан.
Хүйтний улирал эхлэхээр галчаар дөрвөн хоригдол ажиллуулдаг. Төр хурах бол амралтын газар биш. Манай ахмадуудаа сувилах, албан хаагчдаа амраах чиглэлийн үйл ажиллагаатай аж ахуйн тооцоот үйлдвэрийн газар. Тэнд аль ч хоригдлыг ажиллуулж болно. Хуулиар хориглосон зүйл байхгүй.
Манай байгууллагын тэргүүн дэд даргын ахалсан Хорих ял эдлүүлэх албаны зөвлөл гэж байдаг. Энэ зөвлөлөөр хэлэлцүүлээд ажилд гаргадаг. Мөн прокуророос зөвшөөрөл авдаг. С.Батдөлийг нэг сар 20 хоног ажиллуулаад, буцаагаад хорих анги руу татсан юм билээ. Одоо хорих ангидаа ял эдэлж байна" гэв.
ЭХ СУРВАЛЖ: ӨДРИЙН СОНИН
Д.ЭРДЭНЭ
Сэтгэгдэл
Ээгий [103.212.119.181] 2025-04-05 00:49:42
Эд нар одоо үе удам хамаатан садан амраг найзуудаа төрд шургалуулаад Төрийг минь бузарлаж дууслаа.
Галч нар айхтар шү [66.181.183.236] 2025-04-04 21:38:59
Ерөнхий сайд болгох нь л дээ.
Зочин [46.212.54.236] 2025-04-04 20:03:37
Урдах ажлаа олигтойхон хийгээд улс орон иргэдийнхээ амжиргаанд нэмэр болоочээ, чадахгүй бол суудлаа орхиод дуртай ажлаа хийгээчээ жавхлан чи.
Зочин [66.181.179.231] 2025-04-04 18:30:03
Жавхлан гэж нэг муу авлигач хулгайч шүү дээ
Зочин [202.9.41.84] 2025-04-04 18:18:42
Жавхлан оролцсон л байж таараа
Зочин [66.181.191.193] 2025-04-04 18:15:38
Ха ха жавхлан мэтийн луйварчид их л том болж
Зочин. [66.181.160.13] 2025-04-04 18:09:24
Мөнгөтэй хүн хориход хаан шиг амьдардаг нь нууц биш үнэн шүү дээ.
Зочин [103.212.116.40] 2025-04-04 17:58:52
Жавхлан сайд үнэний ортой юмыг нуух гэж их л оролдсон байх юм,энхбаяр сайдыг ер нь шудрага хуульч гэж хардаг,харагдаад байгаа шүү,амжилт.
Зочин. [66.181.160.95] 2025-04-04 19:33:54
Жавхлан хамаагүй. Дашдаваа өөрөө хамаатай. Эгч нь Батдөлийн дарга. Төмөр замын дарга авгай..
Зочин [202.131.248.102] 2025-04-04 14:29:23
19216801