АНУ-ын Зүүн эрэг дагуу явж буй Эрин хар салхины аюултай түвшин одоогоор II түвшинд байгаа бөгөөд салхины хурд цаашид нэмэгдэж, далайн эрэг рүү хүчтэй давлагааг үүсгэх аюултай байгаа аж. Зарим бүс нутагт иргэдийг аюултай бүсээс нүүлгэн шилжүүлэх ажил хийгдэж эхэлсэн байна.

Үүнтэй холбодуулан АНУ дахь Монгол Улсын Элчин сайдын яамнаас сэрэмжлүүлэг гаргажээ. Түүнд "Зүүн эргийн хотуудад оршин суугаа иргэд та бүхэн анхаарал болгоомжтой байж, далайн эрэг рүү очихгүй байх, цаг уурын болон бусад холбогдох байгууллагаас өгч буй мэдээлэл, зөвлөмжийг дагаж мөрдөхийг хүсье. Цаг агаарын нөхцөл байдалтай холбоотой мэдээллийг https://www.nhc.noaa.gov холбоосоор авна уу" гэжээ.

Б.ЖАРГАЛ