Олон улсын жүдо бөхийн А зэрэглэлийн шүүгч М.Нямжаргал ОХУ-д зохион байгуулагдаж буй “Европын өсвөрийн лиг” олон улсын тэмцээнд урилгаар шүүгчээр ажиллаж байна.

Тус тэмцээнд ОХУ-ын 75 мужаас шалгарсан 24 баг, мөн олон улсын 8 баг уригдан оролцож, нийт шилдэг 32 баг аваргын төлөө өрсөлдөж буй юм.

Өсвөр үеийн тамирчдын ур чадвар, шүүлтийн чанарыг өндөр түвшинд үнэлдэг энэхүү нэр хүндтэй тэмцээн 11 дахь өдрөө ОХУ-ын Сочи хотноо амжилттай үргэлжилж байна.