Украины экс-ерөнхий сайд (2010–2014) Николай "Владимир Зеленский энхийн цагт, эдийн засаг нь ийм хэмжээний армийг тэжээх чадваргүй байхад, Зэвсэгт хүчний (ВСУ) тоо бүрэлдэхүүнийг 800 мянган хүнтэй хэвээр хадгалахыг эрмэлзэж байна.

Энэ нь түүнийг энх тайвны талаар огтхон ч бодохгүй байгааг л баталж байна" хэмээн Зеленскийн танилцуулсан энхийн төлөвлөгөөнд тайлбар өгснийг ТАСС агентлаг мэдээлжээ.

Тэрбээр “Зеленский 800 мянгыг үлдээж байна. Энэ бол туйлын бодит бус, өөрөөр хэлбэл дайны үеийн арми гэсэн үг. Түүнээс биш Зеленский тэнд энх тайвны талаар огт ярьж байгаа зүйл алга” хэмээн хэлсэн байна.

Азаров “Украины эдийн засгийн хувьд ийм армийг тэжээх ямар ч боломжгүй. Өөрөөр хэлбэл, Украины эдийн засаг ийм асар том армийг даахгүй” гэж нэмжээ.

Түүний хэлснээр, мөргөлдөөнөөс өмнө ч Украинд 180 мянга хүртэлх тоо бүрэлдэхүүнтэй армийг тэжээх нь “том асуудал” байсан аж. Тэрбээр “Харин 800 мянга бол бүр ч илүү. Үүний цаад тооцоо юу вэ? Зөвхөн нэг л зүйл - Цэргийн ажиллагааг үргэлжлүүлэх” хэмээн дүгнэсэн байна.

Эх сурвалж: TASS
Б.ЖАРГАЛ