УИХ-ын чуулганы нэгдсэн хуралдаанаар Монгол хэлний тухай болон холбогдох бусад хуулийн төслүүдийн анхны хэлэлцүүлгийг хийж байна.

Хуулийн төсөлд 2025 онд хос бичигтэй болохоор тусгасан нь ихээхэн маргаан дагуулж байна. УИХ-ын гишүүн С.Бямбацогт энэ тухай “2025 онд Монгол Улс хос бичигтэй болох нь, үнэхээр хэрэгжих боломжтой юу” гэхэд УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогт “хос бичигтэй болоход хугацаа бий. Хууль батлагдангуут шууд хэрэгжихгүй. УИХ-ын гишүүд хос бичигтэй болох асуудлыг боломжтой гэж үзэж, дээрх хугацааг тавьсан” гэв. Хуулийн төслийн хэлэлцүүлэг үргэлжилж байна.

Ж.МАРАЛ