Эрүүл мэндийн яамнаас баярын өдрүүдийн нөхцөл байдлын талаар мэдээлэл хийлээ. Өнгөрсөн шөнө Гэмтэл, согог судлалын үндэсний төвд 250 хүн хандаж эмнэлгийн тусламж үйлчилгээ авжээ. Түүнчлэн баярын өдрүүдэд архи болон хоолны хордлогын тохиолдол нэмэгддэг байна. Одоогоор энэ шалтгаанаар 39 хүн эмчлүүлж байгаа аж.

Баярын өдрүүдэд 55 удаагийн яаралтай мэс засал хийгдсэн байна. Сар шинийн баяраа соёлтой тэмдэглэх, эрүүлээр баярлах зан үйл жилээс жилд сайжирч байгаатай холбоотойгоор өмнөх жилүүдтэй харьцуулахад тайван байна.

Сар шинийн баяраар 200 эх амаржсан байна.

Биед ямар нэгэн эрсдэл тохиолдож, биед зовиур илэрвэл цаг алдалгүй эмнэлэгт хандахыг зөвлөв. Өрхийн эрүүл мэндийн төвүүд баярын өдрүүдэд 10.00-16.00 цаг хүртэл ажиллаж байгаа бол 324002 дугаарын утсаар эрүүл мэндийн зөвлөгөөг 24 цагийн турш өгч ажиллаж байна.