Вьетнамд болсон хэлэлцээрийн үеэр Хойд Солонгосын удирдагч Ким Жон Ун Дональд Трампад санал тавьсан талаар БНАСАУ-ын Гадаад хэргийн сайд Ли Ён Хо ярьжээ.Түүний өгүүлснээр Хойд Солонгос бүхий л хоригийг биш харин иргэний нийгмийн эдийн засагт саад болж буй хоригуудыг цуцлах санал тавьсан байна.

Саналыг хүлээн авбал БНАСАУ Йонбён дахь цөмийн бүхий л объектуудаа буулгаж, пуужин-цөмийн туршилтаас нэг мөр татгалзахад бэлэн гэдгээ бичгээр мэдүүлжээ.

Одоогийн байдлаар Хойд Солонгосын эсрэг НҮБ-ын 11 хориг арга хэмжээ үйлчилж байгаа бөгөөд тэдгээрээс тавыг нь цуцлуулах саналтай байгаа гэж БНАСАУ-ын Гадаад хэргийн сайд мэдэгджээ.

“Батлан хамгаалахтай холбоогүй эдийн засгийн салбаруудад түүнчлэн манай ард түмний оршихуйд саад болж буй буй хоригуудыг АНУ хэсэгчлэн цуцалвал бид цөмийн матеиал үйлдвэрлэх бүхий л газруудыг бүрэн, нэг мөр буулгана” гэж БНАСАУ-ын Гадаад хэргийн сайд Ли Ён Хо Вьетнамын Мелиа буудалд өчигдөр шөнө болсон уулзалтын үеэр мэдэгджээ.

Гэхдээ Ким Жон Уны энэ саналд Дональд Трамп хариу өгөхдөө БНАСАУ Йонбён дахь цөмийн объектуудаа буулгахаас гадна “дахин өөр зүйл” хийх ёстой гэж онцолсон байна. “Өөр зүйл” гэж чухам ямар асуудлыг хэлсэн талаар Хойд Солонгосын тал тайлбар хийсэнгүй.

Харин АНУ дахин уулзалт зохион байгуулахаар товлосон ч БНАСАУ одоогийн байр сууриа өөрчлөхгүй гэдгийг Ли Ён Хо цохон тэмдэглэжээ.

Б.АНАНД