“Халуун зүрх”-ээ дэлгэхэд хоёр Ганаа бэлэн болжээ

У.Уранцэцэг / Энтертайнмент

Монгол Улсын соёлын тэргүүний ажилтан жүжигчин Д.Ганцэцэг, А.Ганчимэг нарыг үзэгчид сайн танина. Хоёр Ганаа нэрээр танигдсан тэд УДЭТ хэмээх жүжигчдийн уран чадварын дээд шалгуур болсон их айлаас ажлын гараагаа эхэлсэн.

Жүжигчин Д.Ганцэцэг 2000 оноос УДЭТ-т ажиллаж эхэлсэн бөгөөд жар гаруй жүжгийн гол ба туслах дүрийг бүтээсэн байдаг. Түүний тоглосон “Надаар тоглосон хайр” тухайн үедээ театрын хамгийн их үзэгчтэй жүжгээр нэрлэгдэж байсан юм. Түүнээс хойш “Бооцоо”, “Тэнгэрийн хүү”, “Гамлет”, “Зуны шөнийн зүүд” “Цэцэрлэгт учирсан хоёр”, “Хайрын виз”, “Улаан сарнай” гээд олон жүжгийн дүрүүдийг тайзнаа амилуулсан чадварлаг бүсгүй. Түүний тоглосон “Жинжиймаа” киног үзэгчид сайн мэднэ. Эргэлдсэн алаг нүдээрээ ижийгээ хайн бэдэрч, сэтгэлдээ хадгалсан үгээ итгэлээрээ сүлэн тайзан дээр зогсох хэсгийг үзсэн хүн нулимсаа барьж чаддаггүй. “Гэгээн муза” наадмын гурван цомын эзэн Д.Ганцэцэг Монголын ганц хүний жүжгийн олон улсын наадмын анхны цомыг “Оскар” хүүгийн дүрээр авч байлаа.

Жижиг Ганаагийн хувьд дэлгэцийн уран бүтээлээр гараагаа эхэлсэн. “Хэцүү анги” киноны Зул охины дүрийг бүтээхэд түүнийг олон найруулагч онцолж харсан гэдэг. Тиймээс ч “Халуун сэтгэл”, “Амьдралын амт”, “Помогите нам”, “Наран мандах нутаг” гэх мэт дэлгэцийн олон бүтээлд өөрийн чадвараа харуулж чадсан. Найруулагчид ч түүнийг дотоод сэтгэлээрээ тоглодог хэмээн магтах юм билээ. Тэрээр 2010 оноос эхлэн УДЭТ-т ажиллаж эхэлсэн бөгөөд Шекспирийн жүжгийн дүрийн сонгон шалгаруулалтанд тэнцэж “Гамлет” жүжгийн Офелиагийн дүрийг бүтээсэн бол “Ромео Жулета” жүжгийн Жулетад тоглохоор сонгогдож байсан чадварлаг залуу жүжигчдийн нэг. “Тэнгэрийн хүү”, “Оролмаа эх”, “Лусын дагина”, “Тэмүүжин”, “Сарны цагаан цус” гээд 20 гаруй жүжгийн гол болон туслах дүрийг амжилттай бүтээсэн.

Тэд МУГЖ У.Уранчимэгийн хамт театраас гарч “Хувьсал” продакшнд ажиллах болсон нь тухайн үедээ ёстой л шуугиан тарьлаа. Алтан үеийн эмэгтэй жүжигчдийг уламжлан явна гэж итгэж байсан тэдний шийдвэрийг үзэгчид нэг хэсэгтээ л хүлээн авч чадаагүй. Гэвч дэлгэцийн бүтээлд ч амжилт гаргаж чадна гэдгээ харуулж “Зэрлэг цэцэгсийн хүлэмж” кино тухайн үеийнхээ хамгийн их борлуулалттай кино боллоо. Зохиол бичих, найруулах гээд бүхий л ажлаа өөрсдөө хийдэг нь энэ продакшныг ямар түвшинд явааг харуулах гол үзүүлэлт гэж кино шүүмжлэгчид бичиж байсан юм. “Зэрлэг цэцэгсийн хүлэмж”, “Зүрхээр наадагч”, “Миний нууц”, “Атганд үлдсэн эрдэнэ”, “Тооцоогүй тоглоом” зэрэг кинонууд нь цоо шинэ өнгө аясыг авчирч, эмэгтэй хүний нарийн мэдрэмж, ур чадварыг олонд харуулж чадсан. Ялангуяа “Атганд үлдсэн эрдэнэ” киноны Тайвангийн дүр. Аавынхаа хүслийг гүйцэлдүүлж эрэгтэй хүүхэд болсон тэрээр дотоод ертөнцтэйгөө зөрчилдсөн ч амьдралын төлөөх тэмцэлд ялан дийлэгч болж байгаа энэ дүр түүний уран чадвар, мэдрэмжийг бүрэн гаргасан. Тиймээс ч кино шүүмжлэгчид “Манай салбарт шинэ эрдэнэ төрлөө” хэмээн бичиж байв.

Одоо хоёр Ганаа “Аримун” продакшн байгуулан “Халуун зүрх”-ээ нээхээр ажиллаж байна. “Аримун” гэсэн үг амирлангүй, энгүй, уужим гэсэн утгатай аж. Эмэгтэй хүн хорвоог дүүргэж, энгүй ихийг бүтээх уужим сэтгэлийн үндэс учраас энэ нэрийг сонгосон аж. Тэдэнд чадвар, мэдлэг, туршлага гээд бүх зүйл байна. Одоо сайн менежмент хийж чадвал кино урлагт цахиур хагалах бүтээл төрөхийг хэн ч үгүйсгэхгүй. Кино зохиолыг жүжигчин А.Ганчимэг бичиж найруулагчаар Д.Ганцэцэг ажиллажээ. Галтай цогтой, алаг нүдэн Ганаа, төлөв даруухан ч шинэ сэтгэлгээ, шинэ өнгө болсон жижиг Ганаа хоёрын “Халуун зүрх” хэрхэн өрнөхийг үзэгчид тэсэн ядан хүлээж байна.


Сэтгэгдэл

Зочин [202.179.24.77] 2019-03-12 23:01:20

ene xoyor xvvxen ogt conin bisn baina ter Xyvisal prodaksnnii Tsogoo tvvnii yasnka Urnaagiin talaar snvvmjlex n Tsogoo Urnaa xemeex ene xoyor bol ambits snynal ixtei yalanguya Tsogoo n medleg bolovcroloor dylimagxan myixar zan xaritsaanii dogoldoltoi ctrecc nerv ixtei yrlagiin yygan baigyyllagiig iim xvneer ydirdyylj bolj baina yy bac tegeed teatriin bvcgvicnvvdee daramtlana medeej belgiin daramt baix exner yrnaa n bycdaac yalgarax geed yadcnix yum xariygvi taaryy jvjigcnin snvvdee xerziicen xar alkasn xvvxen fuck you

Zochin [202.9.44.124] 2019-03-11 22:16:14

Хулгай хар мөртэй гэдэг шүү, Ганчимэгээ. Дахиад битгий хулгай хийгээрэй. Амжилт

Ахмад [66.181.161.53] 2019-03-11 20:41:37

Хэдхэн жил ажиллачихаад том жүжигчин болчлоо гэж бодсонуу театраасаа гардаг нь буруу. Жүжигчин болгон кино бичээд найруулаад кино гаргадаг болчсонуу. Амжилт хүсье дээ өөр иү гэхэв.

Зочин [202.179.24.4] 2019-03-11 17:28:12

Ингэж хамаагуй зурхээ огтолж болохгуй муу ер шуу ерээд онд нэг дуучин эмэгтэй зурхээ шидлээ ч билуу их дуулдаг байсан зурхний шигдээсээр цэл залуудаа онгорсон шуу зугээр сануулжийн

Зочин [194.228.76.162] 2019-03-11 17:18:01

ямар аймшигт нүд гаргана вэ?

Зочин [202.70.34.38] 2019-03-11 16:30:17

Сайхан мэдээ байна. Амжилт :P

Зочин [202.70.34.38] 2019-03-11 15:15:19

amjilt

Zochin [64.119.18.181] 2019-03-11 15:09:36

Tsaana n bga ganaa gedeg n shal hudalaa ineene, amaa 2 tiishe neegeel bol ineed gehu, nudend n yu ch ineemseglel bhgui muuhai huuhen.

Зочин [77.111.247.59] 2019-03-11 15:28:53

Монголчуудын нийтлэг зан юм даа. Комны ард суугаад хүн муулснаас, комны дэлгэцэн дээр чинь муулагдаад байж байх чинь хөдөлмөр шүү ахахах.

R7I [77.111.247.10] 2019-03-11 14:55:29

Монголчууд эвтэй байхдаа хүчтэй, салдаг нь тиймхэн л юм. Гэхдээ салсан ч гэсэн уран бүтээлээрээ өрсөлдөнө гэдэг нь сайхан.


10 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
10 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.