Ерөнхийлөгч Азийн хэмжээнд амжилт гаргасан хоккейн тамирчдыг хүлээн авч уулзав

Б.Гэрэлмаа / Улстөр

Монгол Улсын Ерөнхийлөгч Х.Баттулга, БСШУС-ын сайд Ё.Баатарбилэг нар өнөөдөр шайбтай хоккейн “Азийн цомын тэмцээн-2019”-д түрүүлж алтан цом, медалийн эзэн болсон баг, тамирчдыг хүлээн авч уулзлаа.

Юун түрүүнд, Монгол Улсын Ерөнхийлөгч Х.Баттулга шайбтай хоккейн төрлөөр Азийн цомын тэмцээнд түрүүлсэн баг, тамирчдад баяр хүргээд:

“…Азийн цомын тэмцээний хошой аварга болсон нь спортын хувьд нөр их хичээл зүтгэлийн үр дүн. 3х3 сагсан бөмбөг, хоккей, хөлбөмбөг зэрэг багийн спортоор амжилт гаргаж, түүнийгээ бататгаж байгаа нь бахдам амжилт. Өнгөрсөн жил уулзахдаа, та бүхний амжилтыг баталгаажуулахын тулд мөсөн ордонтой болгох асуудалд анхаарна гэж хэлснийг санаж байгаа байх. Чех, Канад гээд олон улстай ярилцсаны дүнд 15 сая ам.долларын өртгөөр “Степпе арена” ордон баригдаж байгаа. Газрын болон дэд бүтцийн асуудал шийдэгдсэн тул ирэх сараас ордны барилгын буюу газар шорооны ажил эхэлнэ. Мөн энэ нь 2020 онд Улаанбаатар хотод болох Азийн хүүхдийн наадмын бэлтгэл ажлын нэг хэсэг болох юм.

Цааш, цаашдаа тамирчид байрлах байртай, тэмцээн уралдаан нь болдог цогцолбортой болно. Үүний хажуугаар ирэх сард 10 мянган хүний суудалтай хөлбөмбөг, хөнгөн атлетикийн талбайн ажил эхэлнэ. Энэ бүхэн нь Монголд, монгол залуус, хүүхдэд л үлдэнэ. Тйимээс үүнийг хүмүүжлийн ажил гэж харах ёстой. Спорт хүмүүжил нь тэсвэр хатуужил, эх оронч үзэл, цаашлаад амьдралыг таних, хүнд хатуу нугачааг даван туулахад тусална. Салбарын яам нь тусалж, дэмжих байх.

Мөн танай хоккейн багийнхан байнгын биш шигшээ гэж нэрлэгддэг байх. Тогтмол амжилт гаргахад байнгын шигшээ баггүй байх нь сөрөг нөлөөтэй. Яваа, яваандаа олимпийн таван төрөл гэдэг шиг шигшээ баг үүсч, ордон төлөвлөгөөний дагуу баригдах болтугай” гэж хүслээ.

Энэхүү битүү ордны бүтээн байгуулалтын ажлыг “Степпа Арена” компани хариуцан ажиллаж байгаа бөгөөд тэдний өгсөн мэдээллээр тус ордон “Буянт-Ухаа” спорт цогцолборын орчимд баригдах бөгөөд ирэх сараас газар шорооны ажлаа хийж эхлэхээр болжээ. Энэхүү ордон нь олимпийн стандартаар буюу 60х30 хэмжээтэй, 12,7 мянган м.кв талбайтай байх юм байна. Төслийн хэрэгжилт 60 хувьтай үргэлжилж байна.

Мөн уулзалтын үеэр Боловсрол, соёл, шинжлэх ухаан, спортын сайд Ё.Баатарбилэг “Та бүхнийг ийм өндөр амжилт гаргасанд Монголынхоо спортын салбарын нэрийн өмнөөс, Боловсрол, соёл, шинжлэх ухаан, спорт гэсэн энэ том айлын өмнөөс чин сэтгэлийн баяр хүргэе” гээд Монгол Улсын Ерөнхийлөгчийн зүгээс гарч байгаа санал, санаачилга, ажлыг дэмжиж ажиллахаа илэрхийлэв.

Эх сурвалж: www.president.mn


Сэтгэгдэл

Зочин [202.9.42.110] 2019-03-13 19:32:46

bayr hurgey bityy ordontoi bolbol amjilt n ulam usunu. busad sportiin turluuded ch bolomj oldono uvliin sport hugjihneee

Зочин [103.229.120.212] 2019-03-13 14:15:08

Женко тамирчдыг нэн тэргүүнд тавиад бусдыг үл тоох юмаа. Эко алтан заамарт ажилласан аврагчидтай уулзаж болноо доо. Битүү дээвэртэй ордон барина ч гэх шиг. Сургууль цэцэрлэгийн барилга маш ихээр шаардлагатай бгаа шүү эрхэм ерөнхийлөгчөө!

Зочин [202.126.89.3] 2019-03-13 13:49:30

Одоо шууд гавъяат! Ядаргаатай наасан.

zochin [202.9.43.149] 2019-03-13 13:12:21

Bituu ordon ni60×30 geheer sagsnii talbai shig jaahan yum barigdah ni dee negent lbarij bgaa yum bol oligtoihon tom yum barichihgui dee

Зочин [202.179.2.210] 2019-03-13 12:29:56

Мундаг байлаа залуучуудаа улам амжилт

Зочин [203.169.49.95] 2019-03-13 11:18:01

Таарсан таар шуудайнууд аа хожсон болоод иржээ хөөрхий.

ѲНХѲРСѲН БААСАА ГҮЙЦЭХГҮЙ ЛАЛАР МИНЬ ИЛ ГАРААД ИРЭЭЧ , ЧАДАХГҮЙ ЧАЦАГА ШШДЭЭ ! [66.181.160.102] 2019-03-13 11:57:35

ЮУНД НЬ ХОРСООД БАЙГАА МУУ ГѲЛѲГ ВЭ ? ИЙМ ЭРҮҮЛ БУС СЭТГЭЦИЙН ЮМТАЙ ХҮН Ч БИШ МАЛ ГЭХЭД Ч ХААШАА ЮМ ОРЧЛОНГЫН ХҮН ХОГ ГЭВЭЛ ТААРАХ ЮМНУУД АМЬД ЯВАХ ХЭРЭГ БАЙДАГ Ч ЮМ УУ ҮГҮЙ Ч ЮМ УУ ! ! !


7 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
7 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.