“Би нөхрийнхөө араас явлаа” хэмээн гэрээслэл бичээд амиа егүүтгэжээ
-23 НАСТАЙ ЭМЭГТЭЙ АЖИЛЛАДАГ ГАЗРЫНХАА ЦОНХООР ҮСЭРЧ, НАС БАРСАН БАЙНА-
Чингэлтэй дүүргийн нэгдүгээр хороонд байрлах нэгэн байгууллагын цонхоор эмэгтэй хүн унаж нас барсан тухай оршин суугчид мэдээллэв. Болсон хэргийг тодруулбал, тус дүүрэгт байрлах 23-р сургуулийн хойд талд 23 настай эмэгтэй Э нь "М ХХК"-ийн таван давхрын цонхоор унаж, газар дээрээ нас барсан харамсалтай хэрэг гарчээ.
Хэргийн газраас эд мөрийн баримт гэх зүйл гурван ширхэг, гэрээслэл нэг ширхэг олдсон байна. Биднийг хэргийн газарт очих үед 23-р сургуулийн арын хэсгийг элсээр далдалсан байв. Талийгаач юуны учир гэрээслэл үлдээн ажилладаг байсан байгууллагынхаа цонхоор үсэрч, амиа егүүтгэх болов гэдгийг зарим эх сурвалжаас тодруулсан юм.
Эх сурвалжуудын хэлж буйгаар
23 настай Э гэх эмэгтэй таван давхарт байрлах байгууллагын цонхоор үүрээр үсэрсэн. Саяхан нөхөр нь Төв аймгийн замд явж байгаад авто ослоор нас барсан нь түүний хувьд маш хүнд цохилт болсон гэв.
Талийгаач ажилдаа ирэхдээ сэтгэл санааны гүн хямралтай байсан бөгөөд хүнтэй ярих чадваргүй байсан байна. Хэрэг гарсан өдөр ажил дээрээ ганцаараа үлдсэн байсан ба цаасан дээр гэрээслэл мэтийн зүйл бичиж үлдээсэн байжээ. Талийгаач “Би нөхрийнхөө араас явлаа, би ханьдаа маш их хайртай байсан” гэсэн утга бүхий гэрээслэл бичиж үлдээсэн гэх.
Уг хэргийг Нийслэлийн цагдаагийн газар, Мөрдөн шалгах газар, Эрүүгийн цагдаагийн газрын онц хүнд гэмт хэрэгтэй тэмцэх тасгийн мөрдөгчид хамтран шалгаж эхэлжээ. Мөн хэргийн газраас олдсон гэх нотлох баримт болон талийгаачийн үлдээсэн гэрээслэлийг шинжилгээнд явуулсан байна. Одоогоор хэргийг Чингэлтэй дүүрэг дэх цагдаагийн нэгдүгээр хэлтэст мөрдөн шалгаж байгаа аж.
Ойрын өдрүүдэд цаг агаар дулаарч, иргэдийн хөдөө орон нутаг орчих нь нэмэгдэж байгаа тул иргэдийг хол замд гарахдаа тээврийн хэрэгсэлийн бүрэн бүтэн байдлаа хангаж, сонор сэрэмжтэй зорчихыг анхааруулах үүднээс бид тус мэдээллийг сурвалжилсан болно.
ГЭРЭЛ ЗУРГИЙГ Г.БАЗАРРАГЧАА
"Шинэ Хархорум" хотын төлөвлөлтөд дэлхийн шилдэг мэргэжилтнүүд оролцоно
Д.Баярхүү: Машин жолоодох эрх рүү халдахаас өөр аргагүй
Төв цэнгэлдэх хүрээлэнгийн хойно баригдаж буй барилгын ажлыг зогсоохоор болжээ
С.Ганбаатар: МАН-ынхан их даварч байна
Доктор Б.Эрдэнэдалай: Улс төрийг мөнгөөр хийсээр байвал ардчиллын индексээрээ бид ухарсаар л байна
Эмээлтийн үйлдвэрийг шалгахад усанд сойсон, гэсгээсэн мах байсан, дээж авч шинжилж байна
Хонь хариулж явсан 13 настай охиныг хөнөөсөн этгээдэд бүх насаар нь хорих ял оноожээ
МАН-аас УИХ-д нэр дэвшүүлэх болзлыг Л.Оюун-Эрдэнэ улам чангалах уу?
Амьдралаас алдсан жилүүд буюу хэнэггүй монгол эрчүүд
Өнгөрсөн сард 612 гадаадын иргэнд Монгол Улсад оршин суух зөвшөөрөл олгожээ