Дэлхийн хамгийн шилдэг хотууд

Админ / Боловсрол

Ванкувер, Канад

Vancouver-Canada Дэлхийн хамгийн гоё 14 хот

Ванкуверээс тооллоо эхлүүлж, яагаад энэ хотыг хамгийн гоёд тооцох болсныг дурдъя. Уул, усны хооронд хосгүй байдлаар оршсон энэ хотыг Канадын гайхамшигтай хот гэж хэлэхгүй өөр яах билээ.

Сидней, Австрали

Sydney-Australia Дэлхийн хамгийн гоё 14 хот

Цацарсан эрэг, үзэсгэлэнт эргийн амралтын газрууд, сэтгэлд үлдэх дурсгалт газрууд гээд Сидней энэ жагсаалтад байр сууриа эзлэх эрхтэй. Түүний гоо үзэмжийг Серри-Хиллз хэмээх ногоон дагуул хот, Бондигоос Кужи руу хүргэдэг эргийн зам зэрэг улам л нэмдэг юм.

Севилья, Испани

Seville-Spain Дэлхийн хамгийн гоё 14 хот

Лорд Байрон нэг удаа Севильяг “жүрж, эмэгтэйчүүдээрээ алдартай тааламжтай хот” хэмээн хэлж байсан удаатай. Ингээд ч зогсохгүй, тус хотын бас нэгэн чимэг бол архитетурын тансаг шийдэл нь юм. Тиймдээ ч дэлхийн хамгийн сайхан хотуудын тоонд оруулсан биз ээ.

Сан-Себастьян, Испани

San-Sebastián-Spain Дэлхийн хамгийн гоё 14 хот

11 дүгээр байрт мөн л Испанийн нэгэн хот орж байна. Испанийн чухал боомт, аж үйлдвэрийн төв огт байгаагүй ч эргийн энэ хот 1800-аад оны дунд үеэс хааны гэр бүлийн зун амардаг газар болжээ. Бискайн булангийн номин ногоон усаар угаагдсан эргийн алтан шар элс, бүтэн жилийн турш ийм өнгөлөг байдлаа алддаггүй гээд энэ хотын талаар яривал их зүйл бий.

Рио-де-Жанейро, Бразил

rio-de-janeiro-brazil Дэлхийн хамгийн гоё 14 хот

Копакабаны алдарт эрэг, эргийн амралтын газар хүмүүсийг Рио руу эрхгүй татдаг байж мэднэ. Эсвэл Корковадо уулан дээрх ар-деко стилиэр хийгдсэн алдарт Есүс Христийн аварга том хөшөө жуулчдын сонирхлыг татдаг байж мэднэ. Юутай ч далайгаас Тижукийн Үндэсний ойн цэцэрлэг гээд Бразилийн их хотын байгаль, урлагийн гоо үзэмжийн талаар өгүүлбэл олон юм бий.

Киото, Япон

japan Дэлхийн хамгийн гоё 14 хот

Киото хотыг хүмүүс дэлхийн хамгийн сайхан хот жагсаалтын 9 дүгээрт оруулжээ. Олон зуун жилийн турш Японы соёлын төв байж ирсэн, уулаар хүрээлэгдсэн энэ хот олон зүйлээрээ олны сэтгэлийг гижигддэг. Хотын зүүн хэсгээр зугаалж, уламжлалт сүм хийдүүдээс хамгийн сайхныг нь үзэж болно.

Брисбен, Австрали

1Brisbane-Australia Дэлхийн хамгийн гоё 14 хот

Австралийн хамгийн том хотуудын нэг болох Брисбен нь орчин үеийн өндөр архитектур, ногоон байгууламж, Брисбен хэмээх асар том мөрнийг гайхалтайгаар хослуулж чаджээ. Дашрамд дурдахад хотын төвөөр урсдаг Брисбен мөрөн нь Моретон хэмээх буланд цутгадаг юм.

Венец, Итали

Venice-Italy Дэлхийн хамгийн гоё 14 хот

Хөвдөг хот Венец хэдийгээр хэдэн сая жуулчин хүлээн авдаг ч дэлхийн хамгийн гоё хотуудын долоод оржээ. Үнэхээр романтик уур амьсгал, сонгодог архитектур, тэнгисийн үзэсгэлэнг давхар харуулдаг болохоор арга ч үгүй биз ээ.

Праг, Чех

Prague-Czech-Republic Дэлхийн хамгийн гоё 14 хот

Дэлхийн хамгийн гоё хотуудын нэг бол яах аргагүй хоёр хэв маягтай Праг мөн. Шөнөдөө толгой эргэм үдэшлэгт оролцож, партидаад, өдрийн цагаар хачирхалтай нарийн гудамжуудаар нь хэсэх, эсвэл Влтава голын дээгүүр байршсан Карлын гүүрийг үзэж, нүдээ баясгах боломжтой.

Лондон, Англи

London-England Дэлхийн хамгийн гоё 14 хот

Асар том цэцэрлэг бүхий Букингемийн ордон, готик загвартай парламентын байр гээд олон зүйлээрээ хэзээ нэгэн цагт баригдсан хамгийн сайхан хотуудын нэг цолыг хүртжээ. Элсэрхэг зүүн хэсгээс нь та Columbia Road цэцгийн захыг олж, Гринвич-паркийн давааны орой дээрээс та Темза мөрний цаана орших Canary Wharf цамхгийг бишрэх боломжтой.

Эдинбург, Шотланд

Edinburgh-Scotland Дэлхийн хамгийн гоё 14 хот

Тус хот жил бүр болдог наадмаараа алдартай. Гэхдээ инээдэм, урлаг гэхээсээ илүү энэ хотын үзэсгэлэнт төрх энэ жагсаалтад ороход хүргэсэн биш ээ. Хотын зүүн хэсэг рүү Сидней Артураар зугаалж, 823 футын өндөрт орших унтарсан галт уулнаас Шотландын нийслэлийг тольдон хараарай. Тэр үед л та яагаад дэлхийн хамгийн гоё хотын жагсаалтад орсныг мэдрэх болно.

Парис, Франц

Paris-France Дэлхийн хамгийн гоё 14 хот

Францын нийслэл Парис хот Европын хамгийн чамин тансаг, загвараараа үлгэр жишээ хотоор олон жил тодорч байсан билээ.

Гудамж, цэцэрлэгт гудам, Эйфелийн өндөр цамхаг, архитектур, урлагийн асар том спектр гээд бүгдийг энэ хотоос олох боломжтой.

Флоренц, Итали

Florence-Italy Дэлхийн хамгийн гоё 14 хот

Хотын сүмийн орой Флоренцийг дэлхийн хамгийн гоё хотуудын нэг болгожээ. Хотын зүрхэн хэсгийн дайран гардаг Арно гол, Пьяцца делла Синьория, Сан-Миниато-аль-Монте хэмээх агуу сүм. Энэ бүгд тус хотын дурсгалт газрууд юм.

Ром, Итали

Rome-Italy Дэлхийн хамгийн гоё 14 хот

Мэдээж №1-т Италийн Ром хот оржээ. Мянган жилийн настай барилга, үзэмжит талбай, дэлхийн сонгодог урлаг гээд олон зүйлээрээ энэ жагсаалтыг тэргүүлсэнд гайхах юм алга. Эцэст нь хэлэхэд Ром нь Бель Паес буюу “сайхан улс”-ын нийслэл билээ.


Сэтгэгдэл

Зочин [43.242.242.128] 2019-06-17 14:56:11

Humuus ni bolovsroltoi uhamsartai , hotoo tsever bailgahyyn toloo temtsvel ymarch hot tseverhen baij bolno getel huvia bodson humuus hotiin archeteoriig evdeed nuh shig delguur hoolni gazar baiguulaad haalga uudee ugaahgui, hajuugaar duuren hog novsh ovoorson uneheer ichmeer manai hot

zochin [185.39.141.4] 2019-06-09 23:24:52

bvgd evrop amerik tivd ... hvnii uhamsar deed tsegtee hvrsen hujaa shig gudamjnii 2 talaar unglun daldlalt hiisen guilagchin amidram . shvls tseree chuluudsan hytadiin alich hor orohgvi l dee

Зочин [64.119.24.73] 2019-06-09 19:21:58

Улаанбаатар дэлхийд муухай хотын тоонд орно. Бид ядуу амьдарч байгаа нь бас дэлхийд доороосоо орно. Энэ үнэн. Гэхдээ энэ бүгд ард түмний буруу биш. Бид муулах сэтгэлээсээ хэлээгүй. Сайхан хотод амьдрахыг хүсэлгүй яахав. Гэтэл өнөөдөр монголын баячууд үнэхээр тансаг сайхан амьдарч байгаа. Ард түмэн нь муу амьдарч байгаа. Энэ үнэн. Гол буруутан нь монголоо гэх сэтгэлгүй хүмүүсийг бид төр, засгийнхаа толгойд суулгасан , тэдэнд итгэж тэнэгтсэн БИД МОНГОЛЧУУД.

Нийслэлхүү [103.26.193.171] 2019-06-09 16:47:44

Энэ хотоо муулаад байгаа нөхрийн өөрийнх нь чацаганы үнэр шүү дээ, өөрөө чацага тавьдагаа мэдэхгүй их юм болж дээ.

Зочин [103.26.193.105] 2019-06-09 11:25:02

Улаанбаатар - дэлхийн гайхамшигтай хот , унэр , утаа , шороо , тоос , шавааралдаан , тугжрээ , задгай жогоо , хорсний бохирдоон , авлига , арын хаалга , хулгай , луйвар , ядуурал , торийнхний ГЭМТ ХЭРЭГ ... гээд ховно , дэлхийн " шилдэг " байхгуй яах юмб ...??!!!

зочин [202.9.42.217] 2019-06-09 11:45:51

Өөрсдөө улаанбаатар хотоо тоос шороо хог утаа өмхий үнэр модон жорлон хөрсний бохирдолтой болгочихоод улаанбаатар хотоо иуулаад яахав дээ.


6 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.