Монгол Улсын Ерөнхийлөгчийн Тамгын газрын дарга З.Энхболд “Торгоны зам” раллигийн нээлтийн ёслолд оролцож, үг хэллээ

Админ / Улстөр

Монгол Улсын Ерөнхийлөгчийн Тамгын газрын дарга З.Энхболд “Торгоны зам” раллигийн нээлтийн ёслолд оролцож, үг хэллээ

Улс дамнасан раллинуудын дунд хамгийн томд зүй ёсоор тооцогдох “Торгоны зам” автомашин, мотоциклын холын зайн ралли энэ сарын 6-16-ны өдрүүдэд ОХУ-Монгол-БНХАУ-ыг дамнан зохион байгуулагдах юм.

Тэмцээний албан ёсны нээлт өнөөдөр ОХУ-ын Эрхүү хотод болж, нээлтийн ёслолд Монгол Улсын Ерөнхийлөгчийн Тамгын газрын дарга, “Торгоны зам” авто раллигийн улсын ажлын хэсгийн дарга З.Энхболд оролцлоо.

МОНГОЛ УЛСЫН ЕРӨНХИЙЛӨГЧИЙН ТАМГЫН ГАЗРЫН ДАРГА З.ЭНХБОЛД НЭЭЛТИЙН ҮЕЭР:

“Хүндэт Эрхүүчүүд ээ,

Хүндэт зохион байгуулагчид, найз нөхөд, тамирчид аа.

Та бүхэнд “Торгоны зам” 2019 уралдааны нээлтийн ёслолд оролцож буйд баяр хүргэж, талархал илэрхийлье.

“Торгоны зам 2019” уралдааны зохион байгуулалтад Монгол Улс энэ жил анх удаа оролцож байгаа. Мөн цаашид ч оролцох байх гэж найдаж байна. Мөн жил бүр болдог энэхүү уралдаан Монголын нутгаар дамжин өнгөрдөг байгаасай гэж бид чин сэтгэлээсээ хүсэж байна.

Өнөөдөр энд раллигийн алдартай багуудын төлөөллүүд, нэртэй тамирчид хуран цуглажээ. Манай улс та бүхний өмнө өргөн уудам газар нутгаа дэлгэн угтаж байна. Монголын тал хээр, цөл говиор гаргасан уралдааны замыг оролцогчид, тамирчид зохих ёсоор үнэлнэ гэдэгт бид мөн найдаж байна.

Монгол дахь “Торгоны зам” раллийг Монгол Улсын Ерөнхийлөгч Халтмаагийн Баттулгын ивээл дор зохион байгуулж байгаа юм. Үүгээр энэхүү уралдаанд Монгол Улс ямар ач холбогдол өгч байгаа нь харагдаж байгаа гэж би бодож байна.

Бидний хувьд энэ тэмцээн томоохон раллигийн туршлага болж буйгаас гадна Монголын авто болон мото спортын түүхэнд манай тамирчид анх удаагаа өргөнөөр оролцож байгаа тохиолдол юм. Монголын оролцогчдын тоо цаашид ч өсөн нэмэгдэнэ гэдэгт найдаж байна.

Бидний хувьд “Торгоны зам” нь авто болон мото спорт, авто машин аялал жуулчлалыг Монголд улам хөгжүүлэх боломж юм.

Раллигийн удирдлагад бидэнд дэмжлэг үзүүлсэн явдалд гүнээ талархаж буйгаа илэрхийлье. Би раллийг нээлттэй холбогдуулан бүгдэд нь баяр хүргээд, оролцогчдод ялалтад хүрэхийг, үзэгчдэд сэтгэл хөдлөлөөр дүүрэн уралдаан үзэхийг, зохион байгуулагчдад чин сэтгэлийн амжилт хүсэн ерөөе” гэлээ.

Тамирчид өнөөдөр Эрхүү хотоос гараанаас гарч, энэ сарын 9-ний өдөр Алтанбулаг хилийн боомтоор Монгол Улсын нутагт орж ирэх юм. Улмаар Сэлэнгэ, Дархан, Хөтөл, Төв аймаг, Улаанбаатар, Мандалговь, Даланзадгад маршрутаар уралдаж энэ сарын 13-ны өдөр Гашуун сухайт хилийн боомтоор БНХАУ-руу гарч, уралдаанаа үргэлжлүүлнэ.

Энэ удаагийн тэмцээнд нийт 40 улсын 97 тамирчин, 54 автомашин, 16 том оврын ачааны автомашин, 24 мотоцикл оролцохоор бүртгүүлсэн нь тэмцээний түүхэн дэх хамгийн өндөр үзүүлэлт болж байгаа юм байна. Тэмцээнд оролцогчдыг дагалдан 394 техник, 1400 гаруй хүн, 120 улсын сэтгүүлч Монголын хилээр нэвтэрч тэмцээнийг зохион байгуулж, оролцож, сурвалжлахаар мэдүүлсэн байна.

Монгол Улсын нутагт дэвсгэрээр уралдах үеэр авто спорт сонирхогч иргэд тэмцээнийг үнэ төлбөргүй үзэж болох бөгөөд Цагдаагийн Ерөнхий газраас дараах байршлуудад тэмцээнийг үзэж сонирхох боломжтой хэмээн үзэгчдийн хэсгийг бэлтгэсэн байна.

“ТОРГОНЫ ЗАМ” РАЛЛИГ ҮЗЭХ БОЛОМЖТОЙ 12 ЦЭГ:
  1. Сэлэнгэ аймаг Сайхан сумын 3 дугаар баг Цахир /1 дүгээр гараа/
  2. Сэлэнгэ аймаг Сайхан сумын /Хөтөл тосгон/ –
  3. Сэлэнгэ аймаг Орхон туул /Төмөр замын 42 дугаар зөрлөг/
  4. Төв аймаг Жаргалант сумын төв
  5. Төв аймаг Баянцогт сум
  6. Төв аймаг Баянцогт сум /жирмийн цагаан нуур 1 дүгээр бариа/
  7. Төв аймаг Алтанбулаг сумын /Хөшигтийн хөндий 2 дугаар гараа, бариа/
  8. Төв аймаг Бүрэн сумын төв
  9. Төв аймаг Сэргэлэн сум /Ээж хад/
  10. Дундговь аймаг /Даланзагад хотын төв/
  11. Дундговь аймаг Цагаан дэлгэр сумын төв
  12. Өмнөговь аймаг Цогтцэций сум, Мандалговь аймгийн төв

Мөн Цагдаагийн ерөнхий газраас уралдаан явагдаж буй замын орчимд аль болох хөдөлгөөн үйлдэхгүй байх, замын ойролцоо малаа хариулгагүй орхих, гэр, майхан барихгүй байх, уралдааны аюулгүй байдлыг хангаж буй алба хаагчдын шаардлагыг биелүүлэхийг анхааруулж байгаа юм.

®Гэрэл зургийг Pixel студио эзэмшиж байгаа тул хуулбарлан ашиглахдаа эзэмшигчийн нэрийг дурдана уу.


Сэтгэгдэл

Зочин [59.153.87.7] 2019-07-07 22:37:59

нөгөө батхүүг үхүүлсэн ралли

зочин [66.181.169.66] 2019-07-07 12:06:05

Жаахан ургасан өвс ногоо бэлчээр сүйтгэх нь дээ

Зочин [122.201.24.104] 2019-07-07 21:02:25

Balai Zika nobsh chin ed nariig anchirch toos shoroo bosgoj yahin be nobsh Chin

Зочин [202.9.42.97] 2019-07-07 11:34:23

Улаанбаатар хэдний хэдэн цагт орж ирэх нь сонин байна

Khvvgii [64.119.19.167] 2019-07-07 08:03:48

Үзэх газрынхаа нэрийг зөв биччихээсэй өмнөговь дундговь 2ыг хольчихсон аль газар нь үзэх юм ойлгомжгүй дундговьд өмнөговийн газрыг л хайх нь дээ

Зочин [112.72.11.121] 2019-07-07 06:46:44

Юун пялдага гарчиг вээээээээ, албан тушаал бичилгүй нэр бичээд явахад Монгол даяар мэдэхгүй хүн байхгүй ш дээ З.Энхболдыг.

Зочин [66.181.185.41] 2019-07-07 13:01:20

ардчилалын гэх пайзтай бүхнийг үзэн ядагчидийг ойлгож байна ардчилсан хувьсгалаар танайхан карераа алдасаныг ойлгож байна.эрх чөлөөгөө өгөөд хойд содонгос руу явж болно ш дээ.тийшээ визгүй шүү бас.

Зочин [66.181.161.41] 2019-07-07 00:17:28

Сайхан уралдаан болох байх.Уралдаан тэмцээн маань ерөнхийлөгчийн ивээл доор ерөнхий сайдын сонирхолоор монголын тамиррчид оролцож байгаа юм байна.Жороо нь жороогоо ороо нь ороогоо дагадаг гэдэг юутай үнэн бэ.Боловсролтойхон ёрөнхийлөгчтэй байсан бол арай үлдэцтэй зүйлийг зохион байгуулах байсан.

ерөнхийлөгчөө гологчид.ккк [66.181.185.41] 2019-07-07 12:55:57

чиний ерөнхийлөгч болохыг үзээгүй нь бидний аз.ккк


9 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
9 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.