ТОРГОНЫ ЗАМ: Б.Бат-Ундрал хоёрдугаар байр эзэллээ

М.Амаржаргал / Спорт

“Торгоны зам 2019” /Silk Way Rally/ олон улсын авторалли уралдаан долдугаар сарын 6-наас 16-ны өдрүүдэд ОХУ, Монгол, БНХАУ-ын нутагт болж өндөрлөлөө. Улс дамнасан хамгийн том энэ уралдаанд 40 улсын 97 тамирчин, 54 автомашин, 16 том оврын ачааны машин, 24 мотоцикл оролцохоор бүртгүүлсэн нь тус тэмцээний түүхэн дэх хамгийн өндөр үзүүлэлт болжээ. Уралдааны сүүлийн гараа өнгөрөгч Мягмар гаригт БНХАУ-ын Жиаюгуан хотод болж ялагчдаа тодруулсан.

Монгол Улсаас өргөн бүрэлдэхүүнтэй баг энэ удаагийн уралдаанд оролцож, 10 гарааны 5000 км замыг дуусгаж чадлаа.

image

Мотоциклын ангилалд өрсөлдсөн манай тамирчид 15, 18, 19, 20-р байранд орсон бол эмэгтэй төрөлд Б.Бат-Ундрал хоёрдугаар байр эзлэв. Эрчүүдийн спорт гэгддэг авто спортыг сонгож, улс дамнасан энэхүү том уралдаанд эх орноо төлөөллөн оролцож, төрөлдөө дэд байранд орсон Б.Бат-Ундрал сэтгэл өндөр байлаа. Тэрбээр олон хүний ивээн тэтгэлэгээр энэ тэмцээнд оролцож, замаа дуусгаж чадсандаа өөрөөрөө бахархаж байгаагаараа хэлж байв. Түүний өмнө “Дакар ралли”-д уралдаж байсан Испанийн туршлагатай тамирчин оржээ.

Мөн UTV open class ангилалд 252 дугаартай уралдсан спортын мастер С.Ариунболд, Г.Эрдэнэсүрэн нар түрүүлсэн бол Т2 ангилалд спортын дэд мастер Э.Оргил, ОУХМ Ш.Гансүх нарын баг гуравдугаар байрт оржээ.

Сүүлийн гарааны уралдаан дуусахын өмнө мотоциклын дөрвөн тамирчин, автомашины 11 баг, дөрвөн дугуйтын нэг тамирчин тэмцээнээ өндөрлүүлж чадсангүй. Эдгээр тамирчдын дунд Монголын багийн төлөөлөл болсон Б.Баттөр багтжээ. Тэрбээр мотоциклын ангилалд уралдсан ч ОХУ-ын нутагт уралдааны үеэр онхолдож, хүндээр бэртэл авсан байна. Б.Баттөр Эрхүү хотын эмнэлэгт эмчлүүлж байгаад эх орондоо ирж, ГССҮТ-д эмчлүүлж байна.

image

Раллид оролцохын тулд зардал өндөр байдаг. Тухайлбал, машины ангилалд өрсөлдсөн тамирчин доод тал нь 200 гаруй сая төгрөгөөр машинаа бэлддэг бол мотоциклоор уралдаж буй нь 60-90 сая төгрөгөөр мотоциклоо тоноглож, худалдан авдагийг оролцогчид хэлж байв. Мөн үүнээс гадна оролцогчид бүртгэлийн хураамж гэж хамгийн багадаа 7000 евро төлдөг бөгөөд энэ удаа Засгийн газраас ихээхэн анхаарч тамирчдад дэмжлэг үзүүлсэнд талархаж байлаа.

Мотоциклын төрөлд:

Д.Болдбаатар
Э.Амгалан
Б.Өнөрбаяр
Д.Энхсаруул
Б.Бат-Ундрал /Монголын багийн эмэгтэй оролцогч, төрөлдөө хоёрдугаар байр эзэлсэн/

Автомашины төрөлд:

“Эрдэнэс моторс” баг: Г.Эрдэнэсүрэн, С.Ариунболд /Open ангилал/
“Улз” клуб : А.Бүрэнтогтох, Б.Сайнбаяр /Open ангилал/
“Mongolia number one” баг: Э.Оргил, Ш.Гансүх /T2 ангилал/ нар замаа дуусгаж, амжилттай оролцлоо.
“Торгоны зам 2019”-д амжилттай оролцсон эмэгтэй оролцогч Б.Бат-Ундралын фото агшнаас хүргэе.

image


Сэтгэгдэл

Зочин [202.21.109.56] 2019-07-19 09:34:54

neg negnee ingj dorimjlood hreggui l de ataa horsol yum uu da bayn bain gj esbel yaduu bn gj doromjlon

зочин [103.57.94.121] 2019-07-18 22:01:49

Зарим сөрөг сэтгэдлийг уншаад гутрах сэтгэл төрлөө. Монголчууд маань ийм хачин болчих гэж дээ. Хүнлэг, ёс суртахуунтай, эвсэг байцгаая л даа. Ухаарч амьдрах цаг болсон биш үү? Бидний эврэлцээн дээр харийнхан дөрөөлдөг гэдгийг ойлгооч гэж чин сэтгэлээсээ өвгөн би хүсч, гуйж байна.

Zochin [37.173.144.249] 2019-07-18 14:55:49

Bugd salgalj uavaad barian d orjee

Зочин [202.9.45.155] 2019-07-18 12:50:26

Ямар мундаг юм бэ ? Улсын нэрийг гаргасан бүсгүйдээ эрүүл энх, спортын өндөр амжилт хүсье. Үнэхээр бахархаж байна

Зочин [66.181.161.88] 2019-07-18 11:35:50

Sain bn mundag bn, 2 ch baisan yadgiin "ugaasaa" gej ireed l ataarhuu garuud

irgen [66.181.160.72] 2019-07-18 12:19:18

yast melhii barian orson

Зочин [202.9.43.221] 2019-07-18 10:33:19

Кк хоёр бүсгүй мото байсан ок

иргэн [103.229.123.168] 2019-07-18 10:14:33

угаасаа бусад эмэгтэй тамичид нь гэмдээд 2 хүн үлдсэн юм биш үү

БАЯР ХҮРГЭЕ ЦААШИД НЬ УЛАМ АМЖИЛТ ХҮСЬЕ ЭРДЭНЭТЭЭС [202.179.31.51] 2019-07-18 09:01:45


9 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
9 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.