Урин дулааны улиралд иргэд гэр бүл, найз нөхөд, хамт олноороо аялал зугаалгаар явахдаа гол усны ойролцоо хүүхдээ хараа хяналтгүй орхисноос, эсвэл согтууруулах ундаа хэрэглэсэн үедээ ус руу орж осолдох тохиолдол нэмэгддэг.

Тиймээс Ховд аймгийн Онцгой байдлын газраас үер усны болзошгүй аюул ослоос урьдчилан сэргийлэх, иргэдэд санамж сэрэмжлүүлэг хүргэх зорилгоор Буянт голын ай сав дагуу завьтай эргүүл ажиллуулж байна. Ховд аймгийн ОБГ нь жил бүр "Завьт эргүүл" үйл ажиллагаа зохион байгуулдаг ба энэ жилийн хувьд ирэх есдүгээр сарыг дуустал үргэлжилэх аж.